DILI,
(ANTIL) - Sekretária Asuntu Administrasaun Finansa, Rejiaun Autonomia
Espesiál Oe-Cusse-Ambeno (RAEOA)-Zona Ekonómia Espesiál Sosiál
Merkadu Timor-Leste (ZEESM TL), Leonia Monteiro deklara, kualidade husi
jeradór iha sentru eletrisidade Oecusse, di’ak liu fali iha sentru
eletrisidae Betano, munisípiu Manufahi no Hera, Munisípiu Dili.
“Tekniku
sira hosi Finlandia dehan jeredór sira ne’ebé mak fornese ba Oé-cusse,
kualidade di’ak liu kompara ho jeradór iha sentru eletrisidade Betano no Hera,”
Leonia Monteiro hatete ida-ne’e, bainhira audensia ho Komisaun Parlamentu
Nasionál (PN) iha Planaria, foin lalais ne’e.
Tuir
tekniku sira, Leonia dehan tan, jeradór sira iha Oé-cusse bele uza ba multi
funsaun, tanba ekipa modernu. “ Autoridade ZEESM sei hanoin hela atu uza hodi
halo bio gas,” nia dehan.
Ho
megawatt 17.3 ne’e, sentru eletrisidade iha Oé-cusse sei fornese
eletrisidade ba teritoriu Oé-cusse tomak. Agora dadaun, foin funsiona
jeradór ida. Hela jeradór rua mak seidauk uza, tanba sei hein atu koloka iha
fatin sira hanesan Aero-Portu, Klinika no konstruksaun públiku nian. Tuir
planu, antes Natal 2016, komunidade Oé-cusse tomak sei goja nia direitu
ba eletrisidade.
Alemde
ne’e, iha ona negosiasaun atu Oé-cusse fa’an energia eletrisidade ba viziñu
Indonezia, maibé sei hein desizaun. “Negósiasaun halo ona ho PLN (Perusahaan
Listriuk Negara-Indo), maibé ita hein desizaun,” Leonia Monteiro realsa tan.
Deputada
Parlamentu Nasionál husi Partidu Demokrátiku, Lurdes Bessa hateten, sentru
eletrisdade iha Oé-cusse superdimensionada produz megawatt barak liu. Nune’e,
presiza exporta bá nasaun viziñu sira. (Jornalista : Manuel Pinto/Editór:
Otelio Ote)
Sem comentários:
Enviar um comentário