Tribunal Rekursu Rejistu Kazu 193, Rekursu Caero, Calistro no Cancio Sei Prosesu

DILI -Tribunal Rekursu iha tinan 2016 hahu husi Janeiru too Novembru rejistu kazu hamutuk 193, kompostu husi kazu sivil ho krime.

Tuir Sekretaria Tribunal Rekursu neebe lakodi fo sai naran hatete, rekursu neebe mak tama iha fulan Janeiru too ohin (Red-24/11) rejistu kazu hamutuk 193. Husi numeru nee kompostu husi kazu sivil no krime, neebe sura mos ho kazu pendenti iha 2014 iha 19 no 2014 iha ida mak tama hamutuk iha 193 nee, dehan nia ba jornalista iha Tribunal Rekursu, Caikoli.

Nia hatutan, husi numeru kazu nee 100 resin mak hatun ona desizaun no restu seidauk. Neebe inklui mos kazu Calistro, Cancio no Caero nian seidauk iha desizaun. Maibe kazu sira nee sei iha prosesu nia laran hela.

Antes nee tuir Prezidenti Tribunal Rekursu Guilhermino da Silva katak, rekursu ba prosesu neebe mak tama iha TR nee laiha prazu inklui rekursu ba kazu Calisto Gonzaga no Joao Cancio nian.

Rekursu Joao Cancio no Calistro nian nee submete mai ona, maibe desizaun husi rekursu neemak depende ba juiz sira neebe mak kaer prosesu nee. Neebe lakleur tan desizaun sai ona iha tinan nee nia laran,’’ dehan nia.

 Nia hatutan, desizaun sei sai agora, aban, bainrua ho fulan oin mai sira labele koalia lai, tanba rekursu nee laiha prazu. Neebe bele demora depende ba juiz de prosesu, tanba agora iha TR prosesu rekursu barak juiz sira mos presiza estuda rekursu sira seluk neebe mak iha. Informasaun kompletu iha STL Jornal no STL Web, edisaun Sabado (26/11/2016). Domingas Gomes

Suara Timor Lorosae