Juiz Kolektivu Moras, TDD Adia Julgamentu Emilia

DILI - Tribunal Distrital Dili (TDD) adia hikas julgamentu kazu partisipasaun ekonomi iha negosiu, tanba juiz kolektivu nain ida moras.

Liu husi sala audensia julgamentu tribunal deklara, iha loron ida nee tribunal labele kontinua halao julgamentu tanba kolektivu ida nee Juiza Fransisca Cabral sei moras neebe oras nee sei baisa hela iha HNGV. Publiku hakarak atu lalais, nunee mos juiz prezidente ho hanoin hanesan hakarak lalais, maibe tanba kondisaun saude juiza nian mak la permite. Tanba nee adia fali ba loron (30/11) tuku 10:00 dader.

Nia hatutan, iha lloron (30/11) tribunal sei hatun despaisu nomos sei marka loron leitura akordaun nian.

Tuir akuzasaun husi Ministeriu Publiku katak, iha loron 9 Fevereiru de 2011 arguida Madalena Soares, haruka karta VMS/PM/11/50 ba Primeiru Ministru atu husu fundu audisional ida Ministeriu Saude ba alojamentu no alimentasaun mediku cubanu sira. (600,000 USD) unidade kardiolojia no hematolojia (400,000 USD) no kama ortopedika atus ida (100) (400.000 USD). Primeiru Ministru despaisa oinsa pedidu nee haruka ba Ministeriu Finansas.

Iha loron 6 de Fevereiru 2011, liu husi ofisiu No. 203/GPM/II/2011, arguida Emilia Pires simu informasaun husi despaisu Primeiru Ministru nian. Iha loron 29 de Marsu 2011,  arguida Emilia Pires liu husi ofisiu 104/GMF/III/2011 fó, pareser kona-bá pedidu audisional orsamentu formula husi arguida Madalena Soares.

Arguida sira halo prezuizu ida ba estadu hanesan ho kama sira maka sosa nia folin karun no la utiliza tan, material la bele utilizatan ne’e nu’udar kaiza direita no nesesaria hosi sira nia hahalok arguidu sira halakon ona osan estadu ho prezuizu iha ho osan hosi dolar amerikanu rihun atus ualu sanulu resin ida hat nulu (U$ 811.040,00). Informasaun kompletu iha STL Jornal no STL Web, edisaun Sabado (26/11/2016). Domingas Gomes/Domingos Piedade

Suara Timor Lorosae