D’Academy Asia 2 Top 9 grup C: Okupa Pozisaun 3 Ho Diferensa Pontu 11 Ba Pozisaun 2

Maria Vitoria Tenki Minimiza Margen Erro Iha Result Show

Salvio Online, Hanesan hotu-hotu hatene ona, ba faze top 9 grupu C, Maria Vitoria tenki kompete ho favoritu nain 2 husi Indonesia, Irsya no Weni.

Iha kalan dahuluk konsertu ba top 9, Maria Vitoria nebe hananu muzika ho titulu ‘Terima Kalah’ hatudu atuasaun nebe furak no hetan komentariu furak husi komentador sira.

Maibe dala ida tan, kompetisaun iha grupu c forte tebes, tamba konkorenti Weni no Irsya mos sempre hatudu atuasaun furak no kuaze sempre hananu ho perfeitu.

Provizoriamente Maria Vitoria okupa pozisaun 3 (ikus liu) ho pontu 540, no iha diferensa pontu 11 ho Irsya iha pozisaun daruak. Irsya ho Weni rasik iha diferensa pontu 1 deit.

Hare ba rejultadu provizoriu ida nee, Maria Vitoria tenki minimiza erro iha konsertu daruak, konsertu result show nebe sei halao iha loron 11 Dezembru 2016, atu bele mantein posibilidade passa ba top 6.

LEE MOS SALVIO ONLINE – PARSERIA HO TIMOR AGORA