Ema Sivil Ataka F-FDTL Akontese Bebeik Ona

ILI – Diretor Fundasaun Mahein Nelson Belo hateten, akontesimentu husi ema sivil halo agrasaun fisika ka ataka membru F-FDTL nee kuaze akontese bebeik ona, iha tinan rua liu ba tuda mate membru F-FDTL ida.

Hau hakarak hateten akontesimentu ida nee tanba sa mak akontese bebeik, tanba primeiru ita nia joventude sira nee, seidauk hetan infornamasaun ida neebe maka klean kuandu wainhira problema ruma sira atu ba koplein iha neebe,” dehan Nelson ba jornalista sira iha PN, Dili, Sesta (10/02/2017).

Nia dehan, purexemplu sira lagosta sistema ruma ke liga konaba instituisaun, military ka instituisaun polisia lolos nee, iha ona PDHJ, PN komisaun B no mos Ministeiru Interior iha mos koplein iha neeba para atu bele ba hato keixa ruma, Maibe nee sira lahetan informasaun, entaun dala ruma ataka pesoal nee akontese.

Nelson hateten, Portantu  ba Tribunal neeba nee halo tuir deit sira nia desizaun ida neebe maka konsagra iha lei, latuir ida nee sira hakotu ida nee lasala, neebe nee lei maka problema.

Iha fatin hanesan Vise Prezidente Komisaun A(PN) deputadu Arao Noe hateten, tenke hare husi faktus, se evidensia neebe akuza nee komprova duni ema nee maka ta membru F-FDTL  iha dalan atu justifika nee maka Prokurador. Carme Ximenes

Suara Timor Lorosae