Kazu Emilia, Povu Preokupa Independensia Seitor Justisa

DILI - Povu kiik preokupa prosesu justisa iha Timor Leste neebe liga ba bazu Emilia Pires, tamba Tribunal komprova komete krime korupsaun tinan 7, maibe too agora lakumpri tamba uza sidadaun nasaun seluk.

Bazea ba dadus neebe STL asesu Emilia Pires nudar sidadaun Timor oan wainhira asumi kargu hanesan Ministra Finansas iha Governasaun Aliansa Maioria Parlmentar (AMP), neebe lidera husi Primeiru Ministru Xanana Gusmao durante tinan lima husi 2007-2012.

Mandatu AMP remata Emilia kontinua hetan konfiasaun husi Xanana Gusmao hanesan Primeiru Ministru wainhira, lidera bloku koligasaun neebe harii iha 2012- too iha fevereiru 2015 Emilia Asumi kargu nudar Ministra Finansas.

Wainhira Bloku koligasaun neebe lidera husi Xanana Gusmao halo remodelasaun, Rui Maria de Araujo asumi kargu nudar Primeiru Ministru, Emilia la asumi ona kargu iha Sestu governu konstitusional.

Iha tinan 2015 Emilia Pires hamutuk ho Vice Ministra Saude Madalena Hanjam komesa hasoru ona Justisa, liu-liu husi tribunal Distrital Dili tamba deskonfia komete krime Partisipasaun ekomonia no negosiu durante governasuan AMP neebe lidera husi Xanana Gusmao.

Maske prosesu Jusisa sei lao, Tribunal Autoriza Emilia Pires ba iha estranjeiru hodi reprezenta Timor Leste partisipa iha Enkotru G7+ maibe ho rajaun kondisaun saude, Emilia halao tratamentu Saude iha Australia, ikus mai aranka ba Portugal lakohi fila mai Timor Leste too Agora.

Maske nunee Tribunal Distrital Dili konsege hatun ona desizaun ba Emilia Pires ho pena prizaun tinan hitu, maibe parte dezefa Emilia nian hatama rekursu ba iha tribunal rekursu too Agora seidauk fo sai desizaun ba krime neebe Emilia komete hamutuk ho Madalena Hanjam, maske Emilia kontinua iha estranjeiru no lakohi fila hodi kumpri prosesu justisa neebe lao iha Timor Leste. Informasaun kompletu iha STL Jornal no STL Web, edisaun Kuarta (1/2/2017). Timotio Gusmao

Suara Timor Lorosae