Reforsu kuidadu primáriu ba saúde liuhosi vizita domisiliária ba timor-oan rihun 900

Reforsu kuidadu saúde primáriu iha Timor-Leste permite ema rihun 900 hetan vizita hosi médiku domisiliária iha tinan rua ikus ne’e, fó-sai iha ohin Governu timor-oan.

Tuir dadus ne’ebé simu hosi  Lusa Governu timoroan relasiona ba balansu mandatu tinan rua dahuluk, ne’ebé kumpre kinta-feira ne’e, lansa ona Pakote Kompreensivu Kuidadu Saúde Primáriu no Programa Saúde Família vizita domisiliária besik rihun 150, benefisiu ba família liu rihun 180.

Labarik sira liu millaun metade hetan vasina kontra póliu (hosi labarik 96% to’o tinan 15) no rihun 484 kontra sarampu no rubéola (besik 97%), no  labarik 71% menus hosi tinan ida kompleta vasina.

Ema liu 60% ho tinan 60 simu vizita profissionál saúde, no taxa mortalidade iha emerjénsia médika iha 40 hosi pasiente 1000.

Harii postu saúde 57, reabilita sentru saúde 22 (totál hosi 68) no inaugura ospitál foun iha  Baukau, sidade daruak nasaun nian, ne’ebé agora ho funsionáriu 227, inkluí médiku no espesialista 25, enfermeiru 98 no parteira 22.

Tuir Governu, iha setór edukativu, elabora ona kurríkulu foun hosi siklu 1.º ho ensinu báziku - konkluzaun iha siklu 2.º - ho impresu no sosa besik millaun ida ba manuál no materiál didátiku iha nívél ensinu oioin.

Programa merenda eskolar alunu besik  rihun 3315 iha eskola 1.505, hodi haluan rede Sentru Aprendizajen no Formasaun Eskolar (CAFE), abranje alunu 5.880 no joven 95 pasa-lisensiadu ho apoiu hosi profesór portugéz sira 129 no timoroan 88.

Ezekutivu destaka moos aprovasaun istórika Rejime Jerál Seguransa Sosiál, ho orsamentu besik millaun dólar 27 ba tinan ne’e.

Governu fó apoiu sosiál liu menor 400 iha situasaun risku no vítima ba abuzu, apoiu ba  benefisiáriu besik 96.000 (idozu no inválidu), fahe bolsa estudu ba "mártir nia oan" liu 200 no benefisia ema besik 54.000 kada tinan ba Bolsa Inan nian.

Kada tinan, selu  pensaun ba sobrevivénsia liu 27.700  ho valór besik millaun dólar 26 ba kombatente  libertasaun nasionál no mártir.

SAPO TL ho Lusa