Akara: Hatama Relatoriu La On Time, EITI Blacklist TL

DILI – Timor Leste (TL) hahu husi 2004 too 2012, hanesan membru Extractive Industry Transparency Initiative (EITI) no sai hanesan nasaun kumpridor, maibe agora EITI blacklist TL, tanba TL hatama relatoriu la on time no governu, sosiadede sivil inklui Kompania sira la dun kolabora malu ho diak.

Tuir Eis Membru Board EITI Husi Sosiadade Sivil Mericio Akara katak TL nasaun kompridor iha EITI, neebe maka iha rejiaun Asia TL primeiru maka sai nasaun kumpridor ba EITI, bainhira TL tama nee Indonesia, Myanmar, Australia inklui nasaun balu tan seidauk, maibe TL maka sai nasaun kumpridor.

Agora tuir hau nia hatene ita tinan-tinan halo reportasen nee on time, maibe tinan rua tolu liu ba nee hau la iha neeba, hahu ninia progeresu tun, laporan la tuir ona tempu, partisipasaun sosiadade sivil mos komesa menus, tanba sira ladun kordena, Sekertariu tekniku EITI nia la dun lideria prosesu nee ho diak Ministru Alfredo mos la sai ona membru bor EITI, sira la fo atensaun entau ema Sekertariu Internasional EITI deside hodi Black list Timor nia estatutu hanesan nasaun kumpridor,” hateten Akara, ba Jornalista sira iha nia knar fatin Farol, Dili, Segunda (13/03/2017).

Nia mos aumenta tan katak EITI Black list TL, performe TL nia la diak iha mundu internasional, tanba bainhira hasai ona estadu sai nasaun kumpridor, signifika katak TL muda ba kotuk laos ba oin.

Hatan ba kestaun nee Fokal Point EITI, kaer pasta mos Ministru Petrolium e Rekursu Miniarais Alfredo Pires hateten EITI Black list TL, maibe sira seidauk simu karta ofisial husi EITI.

“Maibe ami mos rona ona, katak TL iha kazu ida atu hatama ita nia relatoriu ba tinan 2014 no 2015, ninia prazu maka iha 30 dezembru, razaun oi-oin tamba ita la konsege halo relatoriu sira nee tuir tuir prazu, neebe TL koalia tiha ona ho EITI internasional parese sei hatutan tan, maibe sira nia prosesu sei ba too Bor, needuni TL sei lao too marsu 2017 hanesan nee, maibe TL seidauk simu karta ofisial husi EITI”hateten Alfredo.

Fokal Point EITI nee mos hatutan tan katak relatoriu hatama tarde nee laos TL deit maibe nasaun hotu-hotu, TL mos sei hare hela nia uma laran hodi hadia failansu sira nee, EITI mos agora sai ejizensia makas, tanba EITI nee komponente 3 maka iha laran, hanesan governu, sosiadade sivil inklui kompania. Joao Anibal

Suara Timor Lorosae