Governu Sei Redus Frekuensia Rede Komunikasaun

DILI – Governuu liu husi Ministeriu Obras Publiku, Transporte Komunikasaun (MOPTK), halo hela esforsu hodi redus frekuensia, rede telekomnikasaun rai laran, atu nunee Nasaun vizinu hanesan Indonesia labele asesu hotu rede telekomunikasaun TL nian.

Preokupasaun nee fo sai husi Vice Minitru Obars Publiku transporte komunikasaun, Inacio Moreira ba STL, kuarta (08/03/2017) iha edifisiu Luta Hamotuk Farol Dili.

Hau hanoin ita tenke regula duni atu nunee bele asegura koneksaun ilegais iha rai laran, ou sadas ilegas neebe maka lao dadauk iha rai laran, tanba nee ita tenke prevene duni, no atu prevene maka tenke halo redusaun ba frekuensia Rede komunikasaun iha fronteira,”informa Inacio Moreira.

Nia mos informa liu tan katak, teknikumente Antena ida nebee maka monta iha Batas nee, ninia frekuensia maka ou volume nee maka boot liu tanba nee maka, halo maluk sira neebe hela iha rai ketak Atanbua too Kefa mos bele asesu hotu rede komunikasaun TL nian, tan nee governu sei hare atu nunee bele hamenus ninia kapasidade, ou frekuensia nee atu nunee rede telekomnikasaun TL nian labele asesu too Indonesia.

Iha parte seluk Repzentante povu iha uma fukun Parlamentu Nasional, Deputadu Manuel Castro hateten, atu asegura segredu Nasaun nian maka Governu tenke, regula didiak rede telekomunikasaun, tanba ema iha Atanbua mos asesu hotu rede Timor nian.

Iha fatin hanesan Deputada Angelica da Costa hatutan, Governu tenke regula didiak area telekomnikasaun tanba, Nasaun ida ba Nasaun seluk ida idak iha nia segredu tanba nee tenke regula didiak. Madalena Horta/Josefa dos Santos

Suara Timor Lorosae