Pe. Martinho Gusmao, Elpar Hili Partidu Kualidade

DILI – Prezidente Republika sesante, Taur Matan Ruak dekreta ona eleisaun Parlamentar (Elpar), 22 Julho hodi hili reprezentante povu iha uma fukun Parlamentar Nasional ba period 2017-2022 husi partidu 30 resin, tamba nee husu ba votantes sira hili partidu neebe mak kualidade.

Deklarasaun nee, fo sai husi Pe. Martinho Gusmao ba STL, iha rezidensia Episkopal Dioseze DILI, ba STL, iha Lecidere, Sesta (19/05/2017). Tuir Pe. Martinho Gusmao katak lei la koalia barak kona ba kriteria 3% ka 4% tamba buat ida parpol nee partidu politiku, agora lei labele koalia kona ba kriteria tamba Timor nee hot-hotu iha ninia kualidade no povu mak hili no la iha kualidade lalika iha partidu.

Tamba nee, Parlamentu Nasional depende ba parpol se partidu 30 resin hare ba hot-hotu la iha kualidade lalika hili mas hot-hotu neebe mak la iha kualidade no balun iha kualidade laos partidu hot-hotu iha obrigasaun hodi sansaun ba ema neebe mak la hili, tamba iha konstituisaun hateten katak sufrajiu nee direitu siviku katak hau ba vota bele la vota mos la iha problema no la iha sasan ba ida nee,” dehan Pe. Martinho.

Pe. Martinho mos subilina, bareira 4% depende ba nasaun ida ida-idak no balun too iha 5 %, no hanesan iha Brazil kompletamente koa bareira eleitoral 0, Indonesia inklui mundu sei debate laos problema tamba nee Parlamentu Nasional tau 3% no 4% maibe depende ba partidu sira mak negosiu ninia persentajen.

Iha fatin ketak, tuir konseleiru ba Partidu PLP, Custodio Belo alias Alin Laek katak kona ba bareira 3 no 4% ba PLP la iha problema tamba kuandu lei ona ita tenke halo tuir tamba nee fila fali ba partidu ida-idak mak atu serbisu makaas atu konviense povu hodi bele liu bareira liu 4% no atu tur iha PN. Tamba nee, husu ba partidu kiik no boot, tuan no foun labele tau kestaun ida nee maibe presiza serbisu makaas entermus kualidade totalidade serbisu parpol nian.

Nia hatutan, kuandu PLP mak ukun PLP sei bolu ema matenek sira seluk hodi bele serbisu hamtuk hodi hasai povu husi kiak n mukit. Tamba nee, em termus 500 I tal kompostu husi s1, s2 no s3. Tamba nee, husu ba populasaun Timor laran tomak hodi vota ba PLP atu bele adia povu nia moris no PLP mos la sai inimigu maibe hare malu hanesan maun alin hodi faan programa.   Domingos da Piedade Freitas

Suara Timor Lorosae