Taur, Xanana Tenke Hatudu Ezemplu Diak Povu

DILI - Relasiona kritika insultus entre lider istoriku sira hanesan Taur no Xanana liu husi nee, sei bele kontribui ba instabilidade nasional, tanba nee, sosiedade husu tenke sukat lia fuan labele halo povu terus tan.

TuirDiretor Ezekutivu Asia Justice And Right (AJAR), Jose Luis Oliveira katak, hanesan sosiedade sivil sente lamentavel ba deklarasaun lider istoriku sira neebe lahatudu ezemplu diak, husu atu hatudu ezemplu diak.

Ita lamentamos, tanba maun boot sira nee laos deit lider partidu, maibe sira nee lider nasaun, sira nee lider estadu, tuir lolos sira nee tenke hatudu ezemplu diak ba povu,” dehan Jose ba STL iha nia knar fatin, Farol-Dili, Kuarta (14/06/2017).

Jose haktuir, sosiedade Timor Leste sosiedade ida neebe paternalistic katak sosiedade neebe sei haree ba maun boot sira, tanba nee sira mak tenke hatudu diak, se sira uza lia fuan kroat fo ezemplu ladiak ba sosiedade.

Iha fatin ketak, Jestor Programa Atensaun no Responde Sedu (ATRES) NGO Belun, Viriato Soares esplika, iha tempu eleisaun nivel violensia sae, tanba nee husu ba lider istoriku sira tenke sukat lia fuan atu labele halo povu terus tan. Raimundo S. Fraga

Suara Timor Lorosae