Longuinhos: Hau Fo Ordem Ba PNTL Uza Forsa, Hasoru Anarkismu

DILI – Ministru interior Longinhos Monteiro hateten, nia parte fo ona ordem ba iha PNTL atu bele uza asaun forsa, wainhira atua demontrasaun neebe halo anarkismu.

laiha anarkismu, tuda kareta sira tenke para selae uza forsa, demonstrasaun tenki disiplina no respeita malu ida nee deit, agora tuda ema nia kareta estraga ema nia sasan nee lalos, ita hanorin malu hanesan nunee, tamba nee hau mos fo ona ordem ba PNTL atu uza forsa wainhira hasoru asaun anarkismu,” dehan Ministru Longinhos Monteiro, ba Jornalista sira iha Parlamentu Nasional, Segunda (21/08/2017).

Tuir Longuinhos westuidante sira tenke kalma atu hatoo sira nia aspirasaun politika no pensamentu tenki iha nia dalan, haruka reprejentante mai koalia ho estadu, laos mai sobu no estraga fali estadu nee labele akontese.

Tamba nee situasaun nee sei iha observasaun tenki halao tuir lei, situasaun ba oin sei nafatin hetan asegura husi parte PNTL no instituisaun sira seluk ho garante paz no estabilidade rai ida nee, hare ba situasaun politika iha rai laran hanesan nee, ho asaun demonstrante sira nee, parte seluk bele aproveita fali hodi infiltra tempo ida nee.

Iha fatin hanesan Estudante UNTL husi fakuldade Direito, Joao Manuel hateten asaaun soe gas air mata neebe maka PNTL sira haloo nee kontra lei, tamba estudante sira neebe maka laba tuir demonstrasaun hetan impaktu husi gas air mata.

EST2 | Suara Timor Lorosae