Tempu Badak Fretilin-PLP-Khunto Realiza Dokumentu Koligasaun

DILI – Iha Semana hira nia laran publik kestiona konaba prosesu adimentu tomada de pose ba Parlamentu foun no Formasaun Governu, maibe iha tempu badak nia laran Partidu Fretilin, PLP no Khunto sei realiza dokumentu plataforma koligasaun neebe maka  durante nee ekipa teknik husi partidu tolu diskute.

Hafoin remata diskusaun ho partidu Khunto Adjunto Sekjer Partidu Fretilin Jose Reis hateten, Inkontru ho Khunto para aborda nafatin kestaun de prinsipius konaba dokumentu plataforma koligasaun ida neebe maka Fretilin lansa ba Khunto no iha ona konkordansia ba buat neebe hanoin lahanesan.

Ami aserta ona kestaun de presinpiu ba dokumentu ida nee, neebe ami tempu badak sei tur hamutuk fila fali husi Khunto, PLP ho Fretilin rasik para bele aserta dokumentu final hanesan nee, para atu lori fila fali ba lideransa tolu atu hare, nunee bele halo asina de akordu ba iha dokumentu plata forma koligasaun nee,” dehan Adjunto Sekjer Partidu Fretilin Jose Reis, ba jornalista sira, iha Hotel Novu Turismu, Dili, Tersa (29/08/2017).

Nia dehan, Aban ou bain rua ekipa teknik, husi partidu tolu nee sei tur hamutuk fila fali, hodi finaliza ba dokumentu nee.

Iha fatin hanesan Sekjer Partidu Khunto Jose Agostinho hateten sira konsege diskute asuntu neebe maka konsege iha progresu konaba dokumentu plataforma koligasaun entre partidu tolu Fretilin, PLP no Khunto no sei finaliza iha tempu badak nia laran.  

Carme Ximenes/Maria Lay | Suara Timor Lorosae