Horta: TL Presiza Treinamentu Ba Lideransa Jerasaun Foun

DILI – Eis Prezidente da Republika Jose Ramos Horta hateten Tinan lima oin mai, lideransa jerasaun foun sira nebe iha potensial boot, prezisa iha tan treinamentu lideransa nebe adekuadu no efikaz.

“Hau maka sei hare ida nee,hau haree Timor iha ona lideransa foun balun, jersaun foun nebe maka prezisa duni treinu de lideransa nebe diak liu tan, Hau husu ba jerasaun foun,hodi prepara aan, hare ba ,lideres boot sira, hanesan Maun Boot Xanana Gusmao nebe maka agora tama ona faze de idade 70 anos resin ona, nia oras besik too ona atu taka odamatan I janela,no mos maun Alkatiri nebe maka ita hare nia mos kolen ona,” dehan Premiadu Nobel Da Paz, JoseRamos Horta ba Jornalista sira iha Hotel Novu Turismu, Dili, Tersa(29/08/2017).

 Tuir Eis Prezidente RDTL nee katak, maske dala barak dada lia ho Alkatri, Alkatiri hateten nia maka hanesan jerasaun uniku husi 74-75 nebe maka sei iha, maibe sira hotu dehan sei la husik nia mesak, antes jerasaun tuan ses ann, sei servisu hamutuk to tinan lima mai nee.

Iha fatin ketak, Vise Prezidente Partidu Fretilin, Francisco Miranda Branco hateten husi jerasaun nebe maka dirije luta, fundador sira sei hamutuk tamba ida nee mandatu ikus ba sira, atu halo preparasaun ba tranzisaun jerasional ba jerasaun foun, apartir de 2022. 

Maria Lay /Carme Ximenes | Suara Timor Lorosae