Governu Seidauk Planea, Forma Komponente Forsa Aero F-FDTL

DILI - Atu implementa komponente aero iha instituisaun F-FDTL neebe planeia iha VII Governu Konstitusional liu husi Ministru Defeza no Seguransa (MDS). Konaba ida nee, seidauk iha planu.

“Oras nee dadaun, ita nian forsa iha komponente rua, Forsa Naval no Forsa Infantaria (ka forsa terrestre). 

Ba forsa aero nian nee, defisil ita atu koalia,” hateten Samotxo ba jornalista hafoin enkontru seminal ho Prezidente da Republika Francisco Guterres Lu Olo iha Palacio Prezidensial Nicolau Lobato, Bairru Pite, Dili, Kuarta ( 18/10/2017).

Nia hateten, ba kestaun rekursu humanu iha ligadu ka lae, ida nee laos kestaun maibe atu too ba ida nee, prezisa lori tempu. Antes nee, Chefe Estadu Maior Jeneral F-FDTL, Maijor Jeneral Lere Anan Timur preokupa ba kestaun ida nee katak, rekursu ruma neebe preparadu ba komponente nee iha ona, tamba forsa balu ba estuda ona iha aero nian maibe parte governu maka seidauk sosa aviaun.

Responde kestaun ida nee, Ministru Defeza no Seguransa Samotxo hateten, politika neebe atu implementa durante VII GK, atu moderniza forsa F-FDTL ka modernisaun institusional hodi koresponde hotu ba kestaun nee maibe atu too iha neeba, ida nee defisil ita atu koalia. 

Natalino Costa | Suara Timor Lorosae

Foto: Google/Ilustrasaun