Governu Presija Reforsa Kareira Profesionalizmu Jornalista

DILI - Servisu jornalizmu nian lao diak ona iha Timor maibe husu ba governu atu presiza reforsa diak liu tan kareira profesionalizmu neebe iha ona. Maibe mos hametin formasaun no dezenvolve sira nia kapasidade.

Lia fuan hirak nee hatoo husi Retor Universidade Dili (UNDIL) Estevao da Costa Belo ba STL iha nia knar fatin Maskarinhas Dili Tersa, (19/12/2017). Nia dehan tan katak durante nee jornalista sira halo nia knar professional ona maibe sedauk masimu tanba nee presija nafatin formasaun atu haforsa kunhesementu ba publiku.

“Tuir ami academia nia haree katak durante nee media lokal halao nia servisu diak maibe ho kondisaun neebe mak sira iha beele halao ona nia funsaun atu hatoo informasaun ba povu,”nia kualia.

Diretor Ezekutivu Fundasaun Mahein (FM) Nelson Belo dehan parte nia sente kontente konaba informasaun neebe jornalista sira produs no fo sai liu husi media lokal neebe iha, nunee jornalista nudar ponte ida atu hatutan informasaun ba ema hotu atu hatene konaba akontesementu ruma iha TL.

Durante TL nia restaurasaun indepedensia too agora governu sedauk halo investementu ida neebe mak diak ba jornalista sira. Tanba esperensia neebe jornalista sira inplementa oras nee maka bajeia deit ba sira nia formasaun baziku neebe mak sira hetan no jornalista rasik mak halo kumpleta sira nia profesionalizmu iha terenu. 

Justinho Manuel | Suara Timor Lorosae