DILI,
(TATOLI) – Diretór Raes Hadomi Timor Oan (RHTO), Joãozito dos Santos,
husu ba Estadu Timor-Leste (TL) atu ratifika konvensaun direitu ba ema ho
defisiénsia nune’e bele garante dezenvolvimentu inkluzaun.
“Importánsia
atu ratifika direitu ema ho defisiénsia mak atu garante no asegura direitu ba
dezenvolvimentu inkluzaun, hanesan sei la haluha ema ida iha kotuk”, hateten ba
jornalista sira iha Ótel Timor, ohin, hafoin lansamentu relatóriu ba
partisipasaun ema ho defisiénsia iha ámbitu eleisaun parlamentár.
Estadu
ratifika ona konvensaun lubun hanesan konvensaun ba labarik, ba feto,
torturasaun no seluk tan, tanba ne’e presiza ratifika mós konvensaun direitu
ema ho defisiénsia atu sai baze fundamentál hodi asegura no garante direitu
sira.
Enkuantu,
governu iha ona kompromisu atu garante direitu ema ho defisiénsia, nune’e husu
atu sira halo lei kona-ba ratifikasaun ba direitu ema ho defisiénsia nian.
“Ami
husu ba Parlamentu Nasionál atu halo lei espesífiku ida ba ema ho defisiénsia
sira hodi bele garante no asegura sira nia direitu no ratifika konvesaun
direitu ema ho defisiénsia nian”, dehan nia.
Iha
ámbitu monitorizasaun hosi ema defisienste, nia esplika obstakulu ne’ebé ema
defisiénsia hasoru mak eskada aas, saniamentu ne’ebé la asesivél no seluk tan.
Durante
periódu eleisaun parlamentcr, kada munisípiu ema ho defisiénsia nain 10 mak
halo hela monitorizasaun.
“Ita
husu nafatin atu STAE (Sekretariadu Tékniku Administrasaun Eleitorál) ho CNE
(Komisaun Nasional ba Eleisaun) kontinua suporta hodi kolabora hamutuk ho ema
ho defisiénsia sira sai rekursu ida ba eleisaun ne’ebé sei mai”, hato’o.
Iha
2015 iha ita iha ema defisiénsia hamutuk 38000 resin eh pursentu tolu ho balun,
entaun sira ne’e mak hola parte hodi uza sira nia direitu votu hodi sai hanesan
sidadaun ne’ebé bele deside futuru nasaun nian.
Jornalista:
Zezito Silva | Editora: Rita Almeida
Imajen:
Diretór Raes Hadomi Timor Oan (RHTO), Joãozito dos Santos, hosi liman karuk ba
datoluk.
Sem comentários:
Enviar um comentário