Labele Halo Uma Luxu Iha Aeroportu Ninin

DILI - Governu husu ba komunidade sira neebe maka hela besik Aeroportu atu labele halo uma ho modelu lusu, tanba fatin sira neebe besik aeroportu nee aban bain rua sei dudu sai hotu, tan nee husu ba auturidade lokal sira iha baze atu kontrola.

Kestaun nee fo sai husi Vice Ministru do dezenvolvimentu transporte komunikasaun, Inacio Morreira ba STL, Kinta (28/12/2017) iha nia knaar fatin Kai koli Dili.

“Hau hakarak husu ba auturidade lokal sira iha baze, tenke kontrola didiak bain hira fo autorizasaun ba komunidade sira atu halo uma besik aeroportu, tanba fatin sira nee aban bain rua sei hasai hotu, no komunidade neebe hakarak halo uma diak tenke buka rai privadu ou rai mamuk neebe dook husi Aeroportu, atu nunee halo uma diak ba mos ema la sobu ba mai,”dehan Inacio.

Nia mos informa liu tan katak, bain hira hakat ba Aeroportu hateke ba rai ninin sira nee nakonu ho uma no fatin atu haluan tan aeroportu nee kuaze laiha, no uma sira neebe halo iha Aeroportu ninin sira nee mesak andar hotu deit, no  sira hatene dadauk fatin nee risku ida neebe atu kusur maibe sira nafatin uma andar iha neeba, tan nee husu ba Auturidade lokal sira atu fo atensaun ba komunidade sira.

Iha parte seluk komunidade Maria Tereza neebe hela besik Aeroportu Nicolau Lobato hateten, komunidade sira neebe hela iha nee balun hela iha rai privadu no balun maka hola parte ba iha rai estadu nian. 

Madalena Horta | Suara Timor Lorosae