Presidente Parlamento Nacional entrega presente sira natal ba orfanato sira

Presidente Parlamento Nacional, Aniceto Longuinhos Guterres Lopes, acompanha hussi membro Mesa tomak visita orfanato sira hanessan Orfanato Dominicana, iha Bidau Mota-Klaran, no Orfanato Samaria Fatu-Meta, iha loron 23, fulan dezembro, tinan 2017.

Iha visita ne’e, Presidente Parlamento Nacional, lori naran Parlamento Nacional nian, hato’o votos Boas Festas ba orfanato sira no entrega presente natal ho ossan hamutuk $ 5.000,00 (dolar rihun lima) ba cada orfanado rua ne’e, hodi atende ba necessidade orfanato nian.

Responsável Orfanato Dominicana Bidau mota-klaran, Madre Maria de Fátima, agradece ba visita no ajuda ne’ebé Presidente Parlamento ho nia comitiva halo, no parte orfanato continua reza atu tulun Parlamento Nacional servi di’ak liu tan nação ida-ne’e.

Iha visita ne’e Presidente Parlamento ho nia comitiva mós haree diretamente dormitório orfanato sira-nian, inclui condição real hussi orfanato refere. 

Parlamento.tl