Treinador Clube Futebol AS. Ponta
Leste, Eduardo Pereira Deklara, ekipa nnebe nia lidera ne’e sei hadau pontu
tolu (3) husi Atletico (Atl) Ultramar iha jornada 2 Jogu Premeira Divizaun Liga
Futebol Amadora (LFA) época 2018.
Eduardo Pereira hato’o ninia
optimista nee liu husi konferensia imprensa ne’ebé hala’o iha Sede LFA Xanana
Sport Centre Bairu dos Grilhos Díli, Kinta (22/03/2018).
Treinador AS. Ponta Leste senti
optimista manan jogu nee ninia jogador sira preparadu atu kontra ekipa Atletico
Ultramar.
“Ami nian ekipa bom preparadu atu
bele kontra no manan ekipa Ultramar, e ami hatene katak sira (Atl. Ultramar)
iha jogador estranjeiru nain tolu ka haat, maibe hau monta ona estratejia buka
meius oinsa atu hamate sira (jogador estranjeiru klubu Atl. Ultramar) nia
tatiku, tanba ne’e ami sei halo defensivu”, deklara Treinador AS. Ponta Leste,
Eduardo Pereira.
Kapitaun ekipa AS Ponta Leste
José Lopes Vide hateten, jogu ne’ebé sei hala’o kontra ekipa Atletico Ultramar
sei o ho tensaun ás.
“Jogu entre ami nia ekipa kontra
Atletico Ultramar ne’e sei la’o ho tensi ás oituan, tanba ami sei hakarak
kontinua atu aumenta pontus husi jogu ne’e, tanba ne’e sei halo esforsu e tenke
manan. Atletico Ultramar ne’ebé foin lakon pontu tolu husi Academica, entaun
sira mos sei halo esforsu maximu, maibe fiar katak iha jogu ne’e ami mak sei
manan”, reforsa kapitaun ekipa AS Ponta Leste, José Lopes Vide.
Iha fatin hanesan treinador
futebol clube Atletico Ultramar, Gaspar Quintão garante, nia ekipa mak
sei sai vensedor hasoru AS. Ponta Leste.
“Ami hatene katak, Ponta Leste
ekipa ida neébe mos naran boot iha primeira divizaun, ne’ebé konsege kampiaun
iha super taça nomos copa 12 de Novembro iha época liu ba, e ami nia ekipa
Ultramar sei fó mos presaun ba ekipa As. Ponta Leste”,salienta treinador
futebol clube Atletico Ultramar, Gaspar Quintão.
Alende ne’e kapitaun ekipa
Atletico Ultramar Clauco Trasano, Promote, sei hamutuk ho ekipa luta maka’as
atu lori Ultramar sai kampiaun LFA iha terseira época.
“Iha ami derota iha jogu jornada
dahuluk kontra ekipa Academica, entaun ami sei esforsu maximu liu atu hadau
hikas pontu tolu husi jogu ne’e kontra AS. Ponta Leste, e ami mai ho ambisaun
kampiaun nian”, dehan kapitaun Ekipa Atl Ultramar, Clauco Trasano.
Jornada daruak primeira divizaun
AS. Ponta Leste sei kontra Atletico Ultramar iha loron Sesta semanana iha
kampu demokracia-Díli. Ito
GMN TV | Grupo Média Nacional
Sem comentários:
Enviar um comentário