domingo, 27 de maio de 2018

Alimentasaun no Nutrisaun Ladi’ak Intorempe Koneksaun Neurál Labarik

PARTILHAR

DÍLI, (TATOLI) - UNICEF (United Nation International Childrens Fund), liuhusi nia reprezentante iha Timor-Leste, Valerie Taton, afirma labarik ida nia vida, moris hahú iha inan nia kanotak no iha vida infánsia, bainhira kakutak krese ho ritmu ida, mak krítiku liu ba dezenvolvimentu ema nia kakutak.

Durante périodu ne’e, labarik sira-nia kakutak bele forma pelumenus koneksaun neurál 1000 kada segundu-koneksaun sira ne’ebé harii bloku ba labarik nia futuru.

“Maibé, koneksaun sira ne’e bele interompida bainhira labarik nia alimentasaun no nutrisaun ladi’ak, no karik labarik ne’e la hetan protesaun husi violénsia no polusaun,” akresenta Valeria Taton, iha otel Vila Verde, Dili, ohin bainhira halo sorumutu ho media hodi ko’alia kona-ba dezenvolvimentu labarik ki’ik.

Nia informa tan katak labarik 27.000 mak iha Timor-Leste, hahú husi tinan zero to’o walu. Atu garante servisu ba labarik sira hotu, importante mak atu iha prestasaun koordenasaun servisu; inklui saúde, nutrisaun, prátika ijiéne,  estimulasaun sedu, interasaun sosiál no emosaun kuidadór sira , halimar oportunidade aprende no protesaun husi violénsia.

Ho esforsu koletiva husi governu de’it, sosiedade sívil, família no kuidadór sira mak bele halo ne’e akontese. Governu bele dezempeÑA papel importante lihusi investigasaun urjente ba labarik sira, espesialmente sira ne’ebé nesesitadu ba hahú moris di’ak.

“Profisionál media sira, ita-boot sira bele dezempeña papel importante atu hasa’e konsiénsia ba asuntu ne’e. Ami iha atu apoiu ita-boot sira,” garante reprezentante UNICEF, Valerie Taton.

Jornalista: Rafy Belo | Editor: Manuel Pinto

Imajen: Reprezentante UNICEF, Valerie Taton bainhira entrevista ho TATOLI. Foto: UNICEF
PARTILHAR

Author: verified_user

Publicação luso-timorense sem fins lucrativos

0 comentários: