DILI - Relasiona ho impase
politika neebe maka akontese iha rai laran, igreza no Konvensoins Relizioja
sira presiza halo aprosimasaun politika liu husi fasilita dialogu nasional
entre lider sira.
Kestaun nee hakuir husi Eis
Deputadu husi Bankada PD, Virgilio Hornay ba jornalista sira, iha Palasiu PR
Nicolau Lobato, Dili, Tersa (18/09/2018).
“Hau hanoin tenke igreza katolika
liu liu konvensoins relizioja sira tenke hola ona parte ida, tanba primeiru
situasaun politika ida nee afeita mos ba sosiadade ida nee nia vida, entaun
prezensa igreza katolika konvensoins relezioja sira tenke kontribui liu husi
saida liu husi aprosimasaun politika oinsa mak bele fasilita hodi bele halo
dialogu nasional sira entre lider sira nee, atu nunee hasai sira nia vontade
politika liu husi mensazen ba paz no dame para ita nia sosiadade nee bele kaer
hanesan modalidade esperansa ba sira,” dehan eis deputadu Virgilio.
Nia hatutan, hanesan jerasaun
foun agradese ba povu, liu liu ba sira neebe ke loron kalan halao sira nia vida
iha merkadu no tos, sira so preokupa deit mak sira nia vida lor loron, sira
lapreokupa ho situasaun politika ida nee.
Iha fatin hanesan Vitor Soares
hanesan observador nasional hateten, impase politika neebe mak akontese iha rai
laran agora iha situasaun ida mazumenus bele dehan atu besik rejolbe, tanba
komunikasaun politika iha nivel altu entre Primeiru Ministru ho Parlamentu
Nasional neebe lao diak.
Notisia kompletu lee iha jornal
STL edisaun Kuarta (19092018)
Carme Ximenes | Suara Timor
Lorosae
Imajem: Katedral Dili
Sem comentários:
Enviar um comentário