Partidu boot opozisaun timoroan,
Fretilin, defende iha loron-segunda ne'e aprovasaun urjente ba lei
antikorupsaun no medida sira ne'ebé evita gastu arbiru orsamental, ho aposta
ida iha diálogu politiku hodi rezolve problema sira nasaun nian.
Intervén iha parlamentu, Aniceto
Guterres Lopes, xefe bankada Frente Revolucionária do Timor-Leste Independente
(Fretilin) nian hatete katak "xave hodi alkansa melloria ba kondisaun sira
nasaun ne'e nian maka governasaun ida ne'ebé diak".
Tanba ne'e, nia hatete katak,
tenki evita gastus arbiru no atua ho rigor iha firkalizasaun implementasaun
programa governu nian no iha ezekusaun orsamental, ho "politika kualidade
ne'ebé investe iha kualidade".
Aniceto Guterres Lopes koalia iha
sesaun solene ne'ebé maka marka iha loron segunda ne'e aranke ba 5ª lejislatura
Parlamentu Nasional nian ho prezensa Prezidente Republika nian.
Iha nia diskursu, antigu
prezidente parlamentu nian hatete katak Fretilin preokupada ho kestaun divida
sira deskontrolada Estadu nian" no afirma katak so bele hadiak situasaun
ne'e ho ambiente dialogu nian, no "buka konsensu ida".
Tanba ne'e, nia afirma katak,
esensial hakotu ho "ambiente deskonfiansa no ódiu, ho perseguisaun grupu
ida ho grupu seluk" tanba "demokrasia ejiji dialogu ne'e hodi rezolve
problema sira" nasaun nian.
Adriano do Nascimento, prezidente
bankada Partidu Demokratiku (PD), hsuik kritika ba lidere istoriku no politiku
sira nasaun nian katak "kria tiha krize no difikuldade politiku tinan iku
ne'e".
Atitude ida ne'ebé kontribui hodi
"halo unidade nasional no konsolidasaun Estadu nian sai fraku" no
hodi rezulta, hatete, ba falta hodi tau interese nasional sira ass liu hotu
hafoin eleisaun tinan 2017.
Nia fó hanoin mós katak, hafoin
ne'e iha kampaña tinan 2018, lider politiku sira "minimiza tiha esforsu
sira iha setor balun sosiedade nian" iha luta ba lideransa, no tau iha
konfrontu frente oioin ba luta (armada, diplomátika no klandestina).
"Lider politiku sira,
envezde defende demokrasia no respeita multikulturalidade no multietnisidade,
sira tenta fali fahe ho rasa, etnia no relijiaun", hatete, no halo
situasaun ida ne'ebé halo imajen nasaun nian kanek.
Ba PD, konstrusaun Estadu nian no
dezenvolvimentu nasional la konkista ho sem "maturidade politika, sentidu
Estadu nian, no konfiansa no esperansa povu nian" no problema seriu sira
nasaun nian, hanesan dezempregadu, ne'ebé kontinua nakonu.
António de Sá Benevides,
prezidente bankada PUDD nian mós, husu tan dialogu hodi buka konsensu, tantu
iha parlamentu no mós iha nível lidere istoriku sira ne'ebé maka tenki
kontribui pozitivu hodi eduka jerasaun foun sira.
"Estadu ne'e la presija sai
pai natal, tenki sai pai ba dezenvolvimentu nasaun nian", hatete, afirma
mós katak interese Estadu nian tenki ass liu interese pesoal ka partidu nian.
Benevides mós refere tan katak
sei iha dialogu entre Prezidente Republika no primeiru-ministru, hodi bele
rezolve tomada de pose ba membru sira balun Governu nian, kestaun ne'ebé maka
"lansa duvida no preokupasaun sira" iha populasaun.
Koalia ba prinsipal lider
istoriku sira nasaun nian, Benevides hatete katak tenki serbisu "sein
orgullu no arogánsia" hodi "ajuda eduka jerasaun foun sira".
SAPO TL ho Lusa
Sem comentários:
Enviar um comentário