Banco Central Timor-Leste (BCTL)
avalia katak ekonomia timoroan nian sa'e 3% iha tinan 2017, maski iha krize
politika, projeta ba kresimentu negativu ba pelumenuz 3% iha tinan ne'e, hatete
hosi governador instituisaun ne'e ba Lusa.
Abrãao Vasconcelos admiti katak,
dadus sira ne'ebé maka la hanesan ho previzaun nasional no internasional sira
seluk hatudu katak aponta ba kresimentu negativu ida iha tinan kotuk no
rekuperasaun ba tinan ne'e.
"BCTL maka entidade unika
ne'ebé maka halo previzaun ne'ebé kontrariu (ba previzaun sira ne'e). Ami
projeta katak PIB tuun iha tinan 2017, maibé sa'e 3%. Entidade sira seluk,
inklui Governu, mensiona ba kresimentu negativu. Maibé ami la hare ida ne'e iha
ami nian analize", esplika.
"Ezekusaun orsamental tinan
2017 nian pratikamente hanesan ho tinan kotuk nian. Ami la konsegue hare
realidade kresimentu negativu nian. Ami la ajusta ami nia previzaun tanba de'it
sira seluk dehan", afirma.
Responsavel BCTL subliña katak
ekonomia la sae hanesan saida maka espera, no indika katak ezekusaun orsamental
iha tinan 2017 nian iha 80% nian leten, valor ne'ebé hanesan ho tinan 2016, no
rejista iha kreditu no depozitu.
Ba tinan 2018, no sei falta
kontabiliza impaktu ne'ebé iha aprovasaun final tinan kontas publika nian, BCTL
refere katak previzaun sira ne'ebé aponta ba kontrasaun ekonomika ba valor
negativu entre 0,5 no 5,3% iha tinan kotuk.
Sira seluk otimista liu BCTL em
relasaun ho tinan 2018, tanba sira hotu aponta ba previzaun kresimentu
positivu, entre 0,6% e 3%, iha tinan ida ne'ebé maka Estadu, motor boot
ekonomia nian, moris iha rejime duodesimu.
Pratikamente instituisaun
internacional sira hotu - FMI, Banco Mundial no Banco Aziátiku Dezenvolvimentu
(BAD) - hare tuun iha, entre fulan Abril no Outubru, sira nian dadus konabá
tinan 2017, ho previzaun sira ne'ebé pasa ba entre -4,6% (FMI) no -5,3% (BAD e
Governo).
Entidade sira ne'ebé hanesan
antesipa tiha ona kresimentu ida iha tinan 2018, ho ekonomia ne'ebé rejista
indikador pozitivu sira entre 0,6 no 0,8%, ne'ebé maka retoma boot so halao
apartir tinan 2019.
SAPO TL ho Lusa
Sem comentários:
Enviar um comentário