DÍLI, (TATOLI) - Ajénsia
Internasionál WaterAid ba tinan 2018, ne’e sei implementa projeitu be’e,
saniamentu no íjene iha Munisípiu Likisa no Manufahi.
Liuhosi Nota Intedementu ne’ebé
asina ohin, entre Diretór Jerál Agua no Saniamentu Gregorio de Araújo no
Diretór Ezekutivu WaterAid, Justino da Silva iha edifísiu SAS Kaikoli
Dili, sita dokumentu ne’e hodi legalíza implementasaun projéitu durante tinan 5
hahu 2018-2023.
Diretór Water Aid hateten,
projeitu ne’e hanesan hari’I sistema bee moos, apoiu komunidade harii sintina
iha uma kain ida idak, apoiu formasaun ba grupo maneja fasilidade(GMF) atu bele
jere fasilidade bee moos, edukasaun sivíka hodi deklara livre hosi soe foer
boot arbiru no seluk tan.
“Ba tinan ida ne’e ita iha ona
komitmentu kuaze osa rihun 300,”dehan Diretór Ezekutivo ne’e iha Kaikoli.
Projeitu sistema ba komunidade
rural hamutuk 10 ne’ebé ne’ebé kada munisípiu hetan lima,sintina inkluzivu iha
eskola tolu, fasilidade saude hamutuk 4.“Water Aid la impelementa direta maibé
parseira ho NGO lokal hodi implementa, “esplika tan.
Ba tinan 2018, Ajensia ne’e iha
ona orsamentu rihun 300 hodi implementa projeitu hirak ne’e.
DG SAS agradese ba apoiu hosi
ajensia internasional ne’e tanba bele kompleta polítika governu hodi
resolve problema be’e mos, saniamentu no íjene ba Komunidade sira iha área
rural.
ʺIta
kompeleta malu, buat ne’ebé governu labele imi bele halo tanba ne’e ami fo
fatin ba imi, ʺhateten.
Jornalista: Agapito dos Santos | Editór:
Manuel Pinto
Sem comentários:
Enviar um comentário