Intervensaun Banco Central de
Timor-Leste nian konabá "iregularidade no ilegalidade sira" asionista
no jestor sira seguradora dahuluk nasaun nian, NITL, signifika katak entidade
ne'e la tolera abuzu, hatete hosi governador ba Lusa.
"Ami labele aseita iha setor
finanseiru ba se maka la kumpri regra sira. Empreza tenki hanesan empreza no
labele uza hanesan fali multibanku pesoal asionista nian ida. Ami la permiti
ida ne'e, iha empreza no opera hanesan ne'e", subliña Abraão Vasconcelos.
"No ida ne'e hanesan
mensajen ida ne'ebé klaru ba setor finanseiru katak labele tenta halo pratika
ilegal ka iregularidade sira iha Timor-Leste tanba ami mós sei rigorozu ho
kestaun ne'e no ami sei la tolera", afirma.
Vasconcelos komenta ba Lusa
prosesu sira konabá ho intervensaun ida Banco Central de Timor-Leste (BCTL) iha
seguradora National Insurance Timor-Leste (NITL) ne'ebé maka lori ba nomeasaun
administrador tranzitoriu ida no aprezentasaun ba suspeita krimi finanseiru
barak ba Ministeriu Publiku.
Iha kauza, iha keixa ida entrega
hosi BCTL tanba suspeita ba fraude no fase osan, liu-liu, "iregularidade
prosedimentais no finanseira sira ne'ebé barak no iha violasaun ba Lei Seguru
nian, inklui mós desviu fundu sira, ne'ebé pratika hosi responsavel boot
sira" National Insurance Timor-Leste (NITL) nian.
Kazu ne'e halo sira troka
akuzasaun ba malu entre asionista sira konabá responsabilidade ba situasaun
ne'e, ho prinsipal asionista ne'ebé maka duun BCTL viola lei hodi asume
diresaun empreza nian.
Abraão Vasconselos hatete katak
prinsipal responsavel sira NITL nian evita koopera ho Banco Central katak, iha
tinan 2018, desidi suspende operasaun empreza nian, no introduz medidas balun,
inklui mós pedidu "reestruturasaun ida iha estrutura asionista no buka
membru foun Konsellu Administrasaun nian".
Nia esplika mós katak, empreza
lakohi hatama dokumentasaun ne'ebé hanesan ba ida ne'ebé maka aprezenta ona,
nune'e obriga BCTL hodi interven.
"Foufoun kedas ami hakarak
NITL kontinua opera. Mibé ami hakarak atu iha mudansa iha jestaun. Ida ne'e
maka tenki muda", afirma.
"Bainhira ami aprova lei
seguru sira nian, iha tinan 2005, la iha empreza seguru sira nian iha maka
opera iha nasaun ne'e. BCTL kontaktu ho empreza barak iha nasaun barak maibé la
iha ida maka interese iha Timor-Leste", hatete.
Nia hatete, iha kontestu ne'e
maka surje NITL, ne'ebé maka halo "di'ak tebes tanba permiti aumenta
serbisu finanseiru sira disponivel iha Timor-Leste".
Governador BCTL insisti katak
sira nian entidade fó "oportunidade ba proprietariu no jestor sira"
no kontinua disponivel ba dialogu, ne'ebé maka hanesan "solusaun unika ba
problema ne'e".
"Agora buat hotu depende
hosi relatoriu jestor nian, ne'ebé maka sei ahruka ba Banco iha final tinan
ne'e nian, no desizaun ba kazu sira iha Ministeriu Publiku", hatete.
"Ha'u hatene katak ida ne'e
kazu ida ne'ebé komplexu no mós teste ida ba sistema justisa ne'ebé maka sei
analiza kazu keixa nian kontra BCTL ba desizaun no ami nian keixa sira ba
alegasaun asaun kriminal ne'ebé maka ami konsidera sira komete ona",
hatete.
Iha deklarasaun ba Lusa iha Dili,
Eugene ONG, sosiu minoritariu NITL nian, duun sosiu maoritariu Collin Yap
desvia fundu sira ba depeza pessoal no osan ba projetu iha empreza seluk.
Collin Yap agora daudaun ne'e
hela iha Singapura nega naran iregularidade, no duun BCTL ba "motivasaun
politika".
"Saida maka BCTL halo ne'e
kontra lei. La iha diretor ida maka bolu ba entrevista ka ba interoga. Sira
nunka bolu ha'u. No ha'u oferese ha'u nian an rasik ba responsavel BCTL nian
hodi ba ne'ebá no hodi intervista ha'u. No sira nunka hakarak", afirma
Yap.
Ong iha 30% iha empreza maibé
nunka halo parte iha Konsellu Administrasaun nian, ne'ebé maka nomeadu hosi
Collin Yap (40%) no empreza ne'ebé maka iha, Frist Capital (30%).
SAPO TL ho Lusa
Sem comentários:
Enviar um comentário