DILI - Relasiona ho lista
membru governu nain sia neebe maka dadaun nee seidauk iha sinal positiva entre
Primeiru Ministru Taur Matan Ruak no Prezidente Republika Francisco Guterres Lu
Olo, husi parte governu kontinua mantein husi lista pndente nee.
Lia hirak nee too husi Ministru
Reforma Lejislativa no Asuntu Parlamentar Fidelis Magalhaes hafoin partisipa
lansamentu relatoriu iha salaun CNE Caicoli Kinta nee.
Tuir Ministru Fideliz katak
posizau husi Primeiru Ministru Taur Matan Ruak permananse, laiha alterasoes ba
kandatus.
“Posizaun husi Primeiru Ministru
Taur Matan Ruak permananse, laiha alterasoes ba kandidatus ida nee maka
Primeiru Ministru nian posizaun,” dehan Fidelis.
iha sorin seluk Observador
Politiku husi Universidade Nasional Timor-Leste Camilo Ximenes
haktuir Prezidente Republika Francisco Guterres Lu Olo tenke fo ona sinal
positivu ruama ba naran lista membru governu pendente sira. Labele husik
hela deit situsaun sira hanesan nee.
“Ita nian Prezidente Republika
tenke hatudu ona konsiensia ba ema nain sia nee labele husik hela situasaun
sira hanesan nee,” tenik nia.
Nia husu ba Prezidente
Republika karik bele notifika ema sira nee komete koeupsaun entaun tenke tenke
haruka nota eskrita, tamba parlamentu rasik husu nota eskrita ba kestaun nee ka
lori ba tribunal halo fiskalisaun preventiva.
Notisia kompletu iha STL Jornal
no STL Web, edisaun Sesta (19/10/2018)
Carme Ximenes | Suara Timor
Lorosae
Sem comentários:
Enviar um comentário