PN-PR-Governu Mantein Arogansia, Estabilidade Politika-Ekonomia Lalao

DILI - Relasiona ho oras nee dadaun timor-leste sei kontinua iha impase politika, akademika konsidera se parte 3 parlamentu, governu no prezidente kontinua mantein arogansia deskute malu estabilidade politika  no ekonomia iha nasaun sei lalao ba oin.

Preokupasaun nee hatoo husi parte Akademika Diretor Funsaun Ceo Funsaun Klibur Mata Dalan Pedro Ximenes hatete,  Presiza halo peskiza kompletu atu tetu kona ba impaktu iha tinan 2 nia laran nasaun lao ho duodesimu, maibe nia espekulasaun deit katak tinan 2 nia laran halo nia  ekonomia tinan 2 ba kotuk, lasala ekonomia iha tun, se ida ne kontinua nafatin nia ekonomia nee sei menus  fali, nee nia impaktu mak sei ba iha povu kiik sira tanba  estabilidade politika lalao. Tanba ita hatene katak orsamentu nee, atu selu veteranus, idozus, selu funsionariu no seluk tan nee 80 % osan lao iha rai laran nee liga ba oje.

Baze prinsipal nee mak tenke konsistensia iha politika, labele politika tanba ekonomia nee presiza estabilidade, maibe atu bele garante estabilidade diak nee politika governasaun nee tenke estabel, maibe ita haree emtermus politika iha ita nia nasaun seidauk estabel,

"Ita haree sei iha gojadas interese husi parte 3 Prezidente Republika, Governu  no mos Parlamentu Nasional rasik, ita haree sira sibuk tiha maibe sira lahree katak nia impaktu nee ba ekonomia rai laran, no estabilidade iha rai laran, se nafatin arogansia nafatin ho sira nia deskute malu ekonomia la estabel  i lalao ba oin, tanba iha rai neebe deit  ekonomia atu lao diak nee presiza politika estabilidade. Maibe haree ba tinan 2 estabilidade politika laiha,” katak Pedro ba STL Sexta foin lalais nee iha nia Knar fatin Pantai Kelapa Kampus IOB.

Nia hatete,  mezmu nunee maibe haree estabilidade seguransa povu sira maduru lahalo reazem hanesan 2006, povu nia pasensia, maibe kuandu too tempu ida sira bele lamentavel

Tanba nee kontinua husu atu lideransa nain 5 nee tuur hamutuk koalia ka dialogu hodi hetan solusaun, maibe liu hasai estetmentu husi publiku, media sosial ho estetimentu neebe mak sunu ema nee sei lakontribui ba estabilidade iha nasaun.

Iha parte seluk vice bankada PD Adriano do nascimento hatete, atu lider nain 5 tuur hamutuk, ida nee PD liu husi Prezidente partidu no sira ida-idak mos iha intervensaun husu  atu lider sira tuur hamutuk, dialogu atu hodi hakotu impase, neebe deklarasaun PD nia prezidente iha debate Final global oje nee husu ona atu sira halo dialogu.

Notisiakompletu lee iha jornal STL edisaun Tersa (15/01/2019)

Guilhermina Franco/Madalena Horta | Suara Timor Lorosae