PPN Konsideira Akordu Ho Manipal Hospital Ilegal

DILI - Prezidente Parlamentu Nasional (PPN) Arao Noe, konsideira akordu neebe serkretariu Jeral Parlamentu asina, ho Manipal Hospital husi Nasaun Malaisia, atu fo tratamentu espesial ba Deputadu sira iha rai liur nee illegal. No laiha rekonesementu husi Prezidente Parlamentu.

“Hau hanesan Prezidente Parlamentu laiha konesementu ida konaba asinatura nee, tanba hau foin maka informadu, tanba nee semak asina akordu nee, bele deklara ba iha publiku tanba ema neebe asina nee maka responbaliza ba akordu nee,”dehan Prezidente Parlamentu Nasional Arao Noe, Jornalista Sesta (18/01/2019) iha nia knar fatin PN.

Nia mos afirma liu tan katak, maske akordu nee lori parlamentu nia naran, maibe tenke iha dukumentus ofisial ruma maka foin asina, laos tanba deit desizaun husi konsellu administrasaun, no sein iha dukumentus ofiasial ida, bolu ona ema nee mai asina tanba nee laiha baze legal.

Nunee mos STL koko atu konfirma asuntu nee, ho Sekretariu Jeral Parlamentu, Adelino Afonsu de Jesus, maibe la konsege ho rajaun tanba nia sei hasoru Prezidente Parlamentu Nasional hodi koalia konaba akonrdu neebe nia halo ona, ho Manipal Hospital iha loron 16 fulan Janeru tinan 2019 iha Parlamentu Nasional. 

Notisia Kompletu lee iha Jornal STL, iha edisaun Segunda (21012019). 

Madalena Horta | Suara Timor Lorosae