domingo, 21 de abril de 2019

Falur: Presiza Hamutuk Minimiza Droga Tama Rai Laran


DILI – Haree ba droga neebe maka oras nee sirkula iha rai laran, Vice Xefi Estadu Maior General F-FDTL, Brigadeiro General Falur Rate Laek, husu orgaun hotu presiza fo hanoin ba governu no estadu, nunee hamutuk minimiza droga sirkula iha rai laran.

Deklarasaun nee, Vice Xefi Estadu Maior General F-FDTL, Brigadeiro General Falur Rate Laek, ba jornalista sira wainhira remata enkontru semanal ho Prezidente Republika, Francisco Guterres Lu Olo, Kuarta (17/04) iha Palacio Prezidente Nicolau Lobatu Dili.

“Ou sira koko dezafia ita nia kapasidade seguransa no defeza ou sira aproveita ita nian lakuna para depois involve ita neebe agora sai material estudu no analiza para buka solusaun ida nee nian, tanba nee maka ita hotu fo hanoin ba estadu sira para ita hotu hamutuk para bele minimiza ou rejolve” katak Falur.

Koalia konaba droga neebe maka tama tanba lei ou seguransa maka fraku, nia labele koalia too lei, maibe enkuantu se fraku iha seguransa, presiza hadia pontu fraku hirak nee iha futuru.

Nunee mos konaba tribunal aplika TIR ba autor neebe maka hatama droga ba iha rai laran, Brigadeiro General Falur Rate Laek dehan nee kompetensia tribunal, loos ka sala Tribunal maka hatene, tanba lei maka regula. 

Emerenciana Pinto | Suara Timor Lorosae

Sem comentários: