domingo, 21 de abril de 2019

Ramos-Horta: Guiné Ekuatorial bele tuir de'it simeira luzófonu bainhira halakon kastigu mate

PARTILHAR

Eis-Prezidente José Ramos-Horta afirma iha loron-kuarta ne'e katak partisipasaun hosi Guiné Ekuatorial iha simeira tuirmai hosi komunidade luzófonu nian tenki iha influénsia hosi eliminasaun ba kastigu mate antes hala'o enkontru.

Partisipasaun hosi Guiné Ekuatorial iha simeira tuirmai hosi Komunidade Nasaun sira Lian Portugeza nian (CPLP) "tenki iha influénsia hosi eliminasaun ba kastigu mate antes hala'o simeira. Bainhira la'e, tenki impede konviti ba nia partisipasaun", hatete hosi José Ramos-Horta ba Lusa.

Antigu xefe Estadu timoroan afirma ona katak "hanesan kondisaun mínimu sira, báziku hosi Estadu ruma iha sékulu XXI nia laran" no lamenta ona katak "liutiha tinan barak nia laran, Guiné Ekuatorial sei kontinua de'it ho promesa sira hodi halakon kastigu mate nian".

"Tuir ha'u nia haree ne'e labele aseita, ba kredibilidade rasik CPLP nian", hatete hosi prémiu Nobel Dame tinan 1996 nian.

"Ditador Teodoro Obiang hanesan la liga ba pozisaun hosi prinsípiu sira ne'ebé asumi ona hosi nasaun", nia afirma.

Ramos-Horta subliña ona katak halo parte iha apoiante sira hosi adezaun hosi nasaun afrikanu ne'e ba CPLP tanba fiar, "karik hanesan inosente, ho boa-fé", ne'ebé dala ida tan iha CPLP, "Guiné Ekuatorial sente komprometidu lalais hodi halakon kastigu mate nian no hahú prosesu ida liberalizasaun nian ho libertasaun hosi prezu polítiku sira no final hosi tortura".

"Iha asaun sira ne'e nia laran, Portugal hanesan nasaun úniku iha momentu ne'ebá maka kontra adezaun hosi Guiné Ekuatorial. Tempu hatudu katak Portugal iha razaun", nia konsidera.

Agora, situasaun bele muda bainhira, iha partikular, Guiné Ekuatorial la hetan "solidariedade inkondisional hosi angola ho Brazil", nia afirma. "Hanesan tempu atu CPLP salva aan, konsege hadi'a sala ne'ebé halo ona", nia subliña.

Iha loron-tersa, primeiru-ministru kabu-verdianu, Ulisses Correia e Silva, hatete ona katak kastigu mate nian iha Guiné Ekuatorial sei halakon to'o tinan ne'e nia rihan, informasaun ne'ebé simu hosi Prezidente ekuato-guiniense, Teodoro Obiang, iha vizita ofisial ba Cabo Verde.

Iha loron hanesan, iha Lisboa, ministru Negósiu Estranjeiru portugés, Augusto Santos Silva, felisita ona reafirmasaun hosi intensaun hosi autoridade ekuato-guiniense sira hodi halakon kastigu mate maibé rekorda katak kompromisu ezisti hahú hosi tinan 2014.

"Hanesan di'ak atu autoridade sira hosi Guiné Ekuatorial afirma fali kompromisu ne'e maibé la'ós hanesan ba dala uluk maka sira halo, la'ós ba daruak ka datoluk. Ami hein atu reafirmasaun hosi kompromisu ne'e iha konsekuénsia prátiku hodi halakon kastigu. Tuir hanoin jurídiku nian la'ós hanesan operasaun ida ne'ebé susar iha nível tékniku", nia destaka hodi afirma fali katak Portugal hein "ho ansiozu atu bele kumpri kompromisu ne'e" no ne'e sai hanesan kondisaun ida hodi nune'e nasaun sai hanesan membru hosi CPLP nian.

Iha deklarasaun sira ba Lusa, bainhira hakotu konferénsia "Futuru Makau nian iha Xina Foun" ne'ebé akontese iha Lisboa, Santos Silva lembra katak saida maka konkretiza ona to'o ohin loron hanesan moratóriu ne'ebé suspende aplikasaun ba kastigu ne'e, maibé bainhira Guiné Ekuatorial admiti iha CPLP, kompromisu maka halakon kastigu mate nian iha nia ordenamentu jurídiku.

CPLP komposta hosi Angola, Brazil, Cabo Verde, Guiné-Bissau, Guiné Ekuatorial, Mosambike, Portugal, São Tomé & Prínsipe ho Timor-Leste.

Lusa | iha SAPO tl
PARTILHAR

Author: verified_user

Publicação luso-timorense sem fins lucrativos

0 comentários: