Sekretáriu Estadu ba Protesaun
Sivil Timor-Leste nian, Alexandrino Araújo, hasoru malu iha loron-segunda ne'e,
iha Lisboa, ho nia homónimu portugés, José Artur Neves, hodi dezenvolve Lei
baze sira ba Protesaun Sivil timoroan nian.
"Ho haksolok tebes maka ami
simu sekretáriu Estadu Protesaun Sivil hosi Timor-Leste ne'ebé maka estabelese
hela, iha programa Governu nian, modelu ida hosi Protesaun Sivil ba
Timor-Leste", esplika hosi José Artur Neves ba Lusa, bainhira hakotu
enkontru ne'ebé maka halo ona iha Ministériu Administrasaun Interna.
Reprezentante portugés refere ona
katak, ba preparasaun hosi Lei Baze sira, ajenda hosi Alexandrino Araújo inklui
mós "vizita ida ba Autoridade Nasional ba Protesaun Sivil" no
"ba ajente sira hosi Protesau Sivil nian".
"Iha espíritu ida
kolaborasaun nian laran ne'ebé maka Portugal, tuir istória, iha ho Timor-Leste,
Governu portugés disponibiliza buat hotu ne'ebé maka hanesan nia rekursu
kualifikadu sira iha área oioin hodi kolabora ho kopera ho Governu
Timor-Leste", hakotu hosi sekretáriu Estadu portugés.
Iha deklarasaun sira ba Lusa,
Alexandrino Araújo agradese ona enkontru ho sekretáriu Estadu portugés no
felisita relasaun naruk entre Portugal ho Timor-Leste ho koperasaun ne'ebé
"kontinua to'o ohin loron".
Lusa | SAPO TL
Sem comentários:
Enviar um comentário