domingo, 2 de junho de 2019

Autoridade indonéziu sira kaer kazal timoroan ho ai-moruk rihun resin

PARTILHAR

Autoridade indonéziu kaer ona, iha loron-kuarta ne'e, kazal timoroan ida ne'ebé tenta tama iha Indonézia, liuhosi fronteira terestre ho Timor-Leste, iha Mota-ain, ho ai-moruk hamutuk 4.874, deskonfia hanesan ecstasy. 

"Hanesan pasajeiru sira ne'ebé maka tenta tama. Ami halo inspesaun ba sasán ne'ebé sira lori iha raiu-X no ami hetan ona droga. Tau iha saku plástiku ida iha impresora ida nia laran", esplika hosi responsável alfándega Atambua nian, Tribuana Wetangterah.

Tuir ajénsia notísia indonéziu Antara, droga ne'e tau iha saku plástiku oioin, seidauk hatene katak droga ne'e halo iha Timor-Leste ka mai hosi nasaun seluk no tama iha Timor-Leste no lori ba Indonézia.

Kaben-na'in ne'e agora hatán hela ba autoridade indonéziu sira.

Tráfiku droga iha Indonézia bele hetan kastigu maka'as, inklui kastigu ba mate.

Lusa | SAPO TL
PARTILHAR

Author: verified_user

Publicação luso-timorense sem fins lucrativos

0 comentários: