DILI, STLTIMORLESTE.com – Haree ba realidade lixu butuk iha fatin-fatin iha sidade Dili, tanba nee Primeiru Ministru (PM), Kay Rala Xanana Gusmão akompanha husi Ministru Obras Publikas (MOP), Samuel Marçal mobiliza funsionáriu husi MOP, Ministériu Edukasaun (ME), Instituto de Gestão de Equipamentos e Apoio ao Dezenvolvimento Infraestruturas, Instituto Público (IGEADI, I.P), ekipa Movimentu Brigada Xanana (MBX) no Ministériu sira seluk tán halao limpeza no rekolha lixu iha Dili laran.
Asaun limpeza jerál nee hahú halao iha loron Segunda (23/12/2024), iha tuku 10:00 dader too tuku 17:00, neebé fahe ba grupu rua, grupu ida lidera husi Primeiru Ministru, Kay Rala Xanana Gusmão, iha Dili parte Lorosae hanesan área Praia dos Coqueiros, Bidau, Lesidere, Kaikoli, Merkadu Lama, Vila Verde no fatin seluk tán.
Iha Dili parte loro monu lidera husi MOP, Samuel Marçal, iha área Delta, Komoro, Kampung Baru, Bebonuk no fatin seluk tán.
Enkuantu Xefi Governu Preokupa ho kuantidade lixu iha Dili neebé boot no komunidade soe arbiru iha fatin-fatin, namkari iha estrada públiku, trotoar leten, taka valeta kuak no halo lalar barak neebé iha posibilidade atu transmite moras oin-oin iha tempu udan inklui bele hamosu inundasaun bainhira akontese udan ho intensidade boot”, hatete PM.
Xefe Governu husu bá komunidade iha Dili atu ho konsiénsia tomak kontribui halo Dili moos no livre husi lixu, liu husi soe foer iha lixu fatin neebé Governu prepara ona, nunee hafásil ekipa responsável raut lixu nian bele transporta ho lalais bá lixeira públika Tibar.
(gui) - Suara Timor Lorosae(STL)
Sem comentários:
Enviar um comentário