AUSTRALIA RENDE, ENTREGA FALI DOKUMENTU BA TL

DILI - Australia tinan kotuk prende dokumentus Timor Leste (TL) konaba kazu Certain Maritime Agrement on the Timor Sea (CMTAS), maibee iha loron 12 Maiu 2015, Governu Australia entrega fali ona dokumentus ba Advogadu TL Bernard Colliery.

Lia hirak nee hatoo husi Ministru Estadu Prezidente Konsellu Ministru Agio Preira, ba jornalista sira iha Palasiu Governu, Kuarta (13/05/2015).

Horseik Governu Australia entrega dokumentus tomak, ba Advogadu TL nia Bernard Collaery, nee tamba Australia hare katak iha ordem tribunal internasional justice nia hare mos importansia resolve tiha situasaun ida Internasional  Courth  of Justice (ICJ),tamba Internasional  Courth of Justice foo ordem ba Australia, la bele book dokumentus sira nee, taka  metin no futu metin hotu , la bele kopy, entau Australia husu ita para atu suspende fulan 6, para resolve, neduni sira entrega ona dokumentus tomak horseik,” hateten Agio.

Australia entrega dokumentus sira nee ba Advogadu Bernard Colliery, marka prezensia husi Embaixador TL ba Australia Abel Guterres. Nia mos haklen tan katak konaba relasaun TL ho Australia forte nafatin.

Iha parte seluk Peskizador Lao Hamutuk Juvinal Dias hateten Tribunal Internasional Courth of Justice foo orden ba Australia, atu entrega tomak dokumentus TL nia neebe Estadu Australia prende iha Edifisiu, Advogadu Bernard Collaer iha tinan kotuk. Informasaun kompletu iha STL jornal no STL Web, edisaun Kinta (14/5/2015). Joao Anibal

Suara Timor Lorosae