PAIXAO: POVU LABELE METE DEMO L-7

DILI - Brigadeiru Jenderal Falintil Forsa Defeza Timor Leste (F-FDTL) Filomeno Paixao apela ba povu atu labele mete iha manifestasaun nebe sei realiza iha semana oin husi Cornelio Gama alias L-7.

Tuir Brigadeiru jenderal F-FDTL Filomeno Paixao katak, relasiona ho manifestasaun nebe Cornelio Gama L-7 sei halo iha semana oin, husu ba iha povu tomak atu labele mete iha laran.

Hau husu ba iha povu tomak atu tau fiar deit ba iha ita nia estadu nebe ukun ita, hanesan Presidente no governu inklui mos institusaun sira seluk nebe ukun povu ida nee.Tanba nee diak liu labele mete iha manifestasaun nee,” dehan Filomeno ba Jornalista sira iha Kuartel Jeral F-FDTL Fatuhada Dili, Sesta (19/06/2015).

Nia hateten estadu nee laos forsa F-FDTL no PNTL nian, maibe’e Povu hotu maka halo eleisaun hodi hili estadu nee, tanba nee tenke tau fiar ba iha estadu nebe ukun hela povu nee. Tanba povu tomak nia hamrik maka halo Kintu governu mai too sestu governu. Informasaun kompletu iha STL Jornal no STL Web, edisaun Sabado (20/6/2015). Sonia Ferreira/Madalena Horta

Suara Timor Lorosae