Inagura Monumentu Tchai-Vatxa, Xanana Husu Familia Tenki Husik Heiroi ba Estadu

LAUTEM - Inagura Monumentu trajedia Tchai-Vatxa saudozu nain nain 10 mate iha fatin, wainhira halo kontaktu dame iha loron 21 Julliu 1985, Familia sira kontinua tutur liman no triste tan nee Xanana husu familia tenki orgoilu, tamba familia luta ba libertasaun nasional nebe sai nasaun nian.

Eis Primeiru Ministru Xanana Gusmao husu familia sira tenki husik ona tutur liman iha ulun too ohin loron too mate, maibe iha momentu ida nebe mak alegria, orgoilu tamba ema balun nebe husi uma laran fo Aan ba mate atu Timor Leste ukun Aan.

Iha tempu nee ita tenki orgoilu tamba ema balun husi ita nia sorin fo Aan ba mate atu ita ukun Aan, la importa iha situasaun saida-saida deit,” dehan Xanana liu husi Diskursu, Tersa (21/07/2015) iha iha Thai-Vatxa, Lautem.

Nia Hatete tan katak unidade nasional nebe mak iha tamba komandante nasional, sivil hafoin hasoru malu, forsa sira iha rai laran lahalai hanesan uluk tamba bele tahan, tan nee historia nebe mak temi kona sira nian 10 akontese mos iha fatin hotu-hotu iha timor Laran tomak, maibe naran, fatin no tinan mak la hanesan.

Iha fatin hanesan liu husi Homilia Padre paroquia Sao Paulo Lospalos, Agapito Alfredo Ximenes hatete iha momentu nebe importante tebes historia Timor nian hodi halo moris dame atu hanorin zerasaun foun sira, atu sira bele kontribui nafatin ba ba buat nebe mak heroi sira halao tiha ona. Informasaun kompletu iha STL Jornal no STL Web, edisaun Kuarta (22/7/2015). Timotio Gusmao

Suara Timor Lorosae