EOK Nafatin Halo Operasaun Ba Grupu Mauk Moruk

DILI - Empeniamentu Operasaun Konjunta (EOK) nafatin halao nia kaar, hodi buka tuir grupu sira neebe maka too oras nee sei subar iha ailaran.

Tuir Vice Xefe Estadu F-FDTL Brigaderu Jeneral Filomino Paixao katak, Estadu iha Diretu atu halo monopolitismu, tan nee Prezidente Republika konkorda ho regras hosi EOK hodi reatifika regras nee ho diak.

Hau hanoin Empeniamentu Operasaun Konjunta nafatin lao too loron ema nee mai, tamba too agora EOK seidauk simu desizaun hosi Governu no estadu atu hapara operasaun nee, tan nee forsa rua nafatin halo operasaun iha terenu too lori ema sira nee mai,” dehan Paixao liu hosi konferensia Imprensa, Segunda (20/07/2015) iha Kuartel Jeneral F-FDTL Fatuhada, Dili.

Nia informa liu tan katak, total ema sira neebe maka EOK kaptura hamotuk 510, sira neebe kapturadu durante oras 72 nee hamotuk ema nain 69, termos de identidade nain 65, liberta hosi Tribunal hamotuk 25, aprezentasaun periode 20, prizaun preventiva 16, no sira seluk nee halo identifikasaun ba iha dukumentus, sira neebe maka EOK kaptura nee deskonfia katak sira nee maka fo apoiu Mauk Moruk.

Iha fatin hanesan peskijador hosi ONG fundasaun Mahein Caetano Alves hateten, servisu neebe maka EOK halo hanesan responsablidade boot ida, oinsa atu habelar informasaun ba iha Publiku atu hatene operasaun nee nia progresu. Informasaun kompletu iha STL Jornal no STL web, edisaun Tersa (21/7/2015). Madalena Horta

Suara Timor Lorosae