Lei Elisaun Suku Aprovadu, Coelho: Konsellu Suku Hili Xefi Suku

DILI - Konsellu Ministru (KM) aprova ona proposta lei Elisaun Xefi Suku, maibe iha lei nee hili Xefi Suku ho modalidade foun, povu sei hili Xefi Aldeia, depois Konsellu Suku maka hili Xefi Suku no Lia Nain Suku.

Tuir Sekertariu Estadu Konsellu Ministru Avelino Coelho katak Konsellu Ministru aprova ona Proposta lei elisaun suku, lei nee sei ba parlamentu, para halao diskusaun no aprova, tamba nee dekretu lei.

Maibe lei suku nia nee ba oin, elisaun ba Xefi suku nee sei halo modalidade foun, ida iha nivel aldeia, sei halo plenaria, populasaun tomak iha aldeia nee sei hili Xefi Aldeia, depois sei hili reprezentante delegadu rua, hili mos joven feto ida no mane ida, para tur iha konsellu do Suku, depois Konsellu do Suku maka sei hili Xefi Suku,” hateten Coleho, ba Jornalista sira hafoin remata Konsellu Ministru, iha Palasiu Governu, Tersa (21/07/2015).

Nia hatutan uluk elisaun direita hili Xefi Suku, liu husi pakote, maibe agora proposta lei nee muda mekanismu elisaun ho kandidatura, depois konsellu Suku hili Xefi suku hili mos lia nain ba suku.

Iha parte seluk Papel Feto Politika Deolinda da Costa Gama hateten konaba elisaun Xefi Suku, feto mos prontu kandidatu aan hodi compete, mesmu lei nee Governu muda tun sae. Informasaun kompletu iha STL Jornal no STL Web, edisaun Kuarta (22/7/2015). Joao Anibal

Suara Timor Lorosae