Prevene Moras HIV/SIDA Instituisaun Hotu Tenki Debate

DILI - Prevene moras HIV/SIDA iha rai laran, instituisaun hotu hanesan Governu, Igreza tenki tur hamatuk halo debate, buka dalan, oinsa para rejolve problema HIV/SIDA neebe mak mosu iha rai laran.

Membru Parlamentu Nasional husi bankada CNRT, Cesar Valente hatete iha Janeiru too iha Jullu, nee kuaze moras HIV/SIDA sae ba 500, agora oinsa maka prevene moras HIV/SIDA, nee mak instutisaun hotu, religioza ho Governu tur hamatuk para halo debate buka dalan.

Se lae Governu foti desizaun mos orsida kontraria ho normas raligiaun ninian, neebe  dala ruma ita tau bairu ida ema sira neebe mak servisu kalan, agora ita tau bairu nee igreja simu ka lae,tamba nee mak tenki halo debate,promove debate ida para hodi buka solusaun, liu-liu ita koalia konaba prostituisaun nee serake tenki iha lokalizasaun ida para lokalizadau atu mediku sira bele kontrola,” dehan deputadu Cesar ba STL, iha PN, Dili, Segunda (20/07/2015).

Iha fatin hanesan Membru Parlamentu Nasional husi komisaun F, neebe trata asuntu Saude no Edukasaun, Kultura, Veteranus e Igualdade de Jeneru Domingas da Silva, husu ba Ministeiru Saude atu halao ninia sosializasaun ba ema hotu, para oinsa bele redus moras HIV/SIDA iha rai laran. Informasaun kompletu iha STL Jornal no STL web, edisaun Tersa (21/7/2015). Carme Ximenes

Suara Timor Lorosae