Koperasaun
tékniku-militár luzu-timor-oan sei aposta liu ba iha formasaun formadór, no
avansa tuir akordu hodi hametin kapasidade Timor-Leste nian, dehan diretór
jerál Polítika Defeza Nasionál (DGPDN) Portugal.
Nuno Pinheiro Torres horisehik fó palestra ida kona-ba koperasaun tékniku-militár luzu-timor-oan iha futuru, ne’ebé organiza iha Dili hodi komemora tinan Institutu Defeza Nasionál (IDN) ba dala lima (5.º).
“Fó formasaun ba formadór sira importante tebes. No sinál di’ak katak Timor-Leste lapresija ona hetan tan formasaun iha área ne’ebé sira konsege halo mesak”, dehan Pinheiro Torres, hodi haktuir hikas kona-ba programa koperasaun iha área refere durante tinan 14 ona.
“Ideia ne’e la’os estagnasaun koperasaun nian. Ami tenke forma timor-oan sira atu bele iha kapasidade atu forma ema. Ami presija hetan rezultadu ida ne’ebé di’ak. Karik iha formasaun ruma ka programa ne’ebé hala’o durante tinan 10 no laiha rezultadu, maka ami tenke halo hikas avaliasaun”, hatutan.
Pinheiro Torres dehan katak investimentu hosi koperasaun ne’ebé Portugal halo ho Timor-Leste kada tinan “aumenta bot tan” no koperasaun ne’e “la’os haree ba interese estratéjika iha rejiaun ne’e”, maibé tanba “relasaun istórika” no tanba nasaun rua halo parte “iha komunidade linguístika komun”.
Iha ninia intervensaun, DGPDN fó sai kona-ba dezafiu bot ne’ebé forsa defeza timor-oan sira hasoru, liu-liu atu hametin kapasidade protesaun hosi rekursu maritime no halo debate kona-ba karik Timor-Leste bele ka lae iha komponente área iha Forsa Defeza (F-FDTL) ninia laran.
Iha Ministériu Defeza Nasionál ninia okos, Diresaun Jerál Polítika Defeza Nasionál (DGPDN) “iha misaun hodi garante asesoria tékniku ba formulasaun hosi liña asaun polítika defeza bot, ba planeamentu estratéjika defeza nomós relasaun esterna defeza nian”.
DGPDN maka responsabiliza kona-ba planeamentu, estudu no elabora proposta orientasaun nível polítika-estratéjika, halo akompañamentu no fó atensaun ba ezekusaun hosi kada atividade, promove no halo kordenasaun polítika koperasaun tékniku-militár.
Fó hanoin hikas katak koperasaun tékniku-militár luzu-timoroan sentra liu ba iha formasaun – desde fevereiru 2001, bazeia ba akordu bilaterál bot rua, ida iha 2002 no ida seluk maka iha 2011, ho kuadru programa haat.
Oras ne’e daudaun akordu ne’ebé iha ho komponente lima: Institutu Defeza Nasionál, Sentru Instrusaun Militár, Komponente Navál, Komponente Terestre no Programa Ensinu Militár iha Portugal.
SAPO TL ho Lusa
Nuno Pinheiro Torres horisehik fó palestra ida kona-ba koperasaun tékniku-militár luzu-timor-oan iha futuru, ne’ebé organiza iha Dili hodi komemora tinan Institutu Defeza Nasionál (IDN) ba dala lima (5.º).
“Fó formasaun ba formadór sira importante tebes. No sinál di’ak katak Timor-Leste lapresija ona hetan tan formasaun iha área ne’ebé sira konsege halo mesak”, dehan Pinheiro Torres, hodi haktuir hikas kona-ba programa koperasaun iha área refere durante tinan 14 ona.
“Ideia ne’e la’os estagnasaun koperasaun nian. Ami tenke forma timor-oan sira atu bele iha kapasidade atu forma ema. Ami presija hetan rezultadu ida ne’ebé di’ak. Karik iha formasaun ruma ka programa ne’ebé hala’o durante tinan 10 no laiha rezultadu, maka ami tenke halo hikas avaliasaun”, hatutan.
Pinheiro Torres dehan katak investimentu hosi koperasaun ne’ebé Portugal halo ho Timor-Leste kada tinan “aumenta bot tan” no koperasaun ne’e “la’os haree ba interese estratéjika iha rejiaun ne’e”, maibé tanba “relasaun istórika” no tanba nasaun rua halo parte “iha komunidade linguístika komun”.
Iha ninia intervensaun, DGPDN fó sai kona-ba dezafiu bot ne’ebé forsa defeza timor-oan sira hasoru, liu-liu atu hametin kapasidade protesaun hosi rekursu maritime no halo debate kona-ba karik Timor-Leste bele ka lae iha komponente área iha Forsa Defeza (F-FDTL) ninia laran.
Iha Ministériu Defeza Nasionál ninia okos, Diresaun Jerál Polítika Defeza Nasionál (DGPDN) “iha misaun hodi garante asesoria tékniku ba formulasaun hosi liña asaun polítika defeza bot, ba planeamentu estratéjika defeza nomós relasaun esterna defeza nian”.
DGPDN maka responsabiliza kona-ba planeamentu, estudu no elabora proposta orientasaun nível polítika-estratéjika, halo akompañamentu no fó atensaun ba ezekusaun hosi kada atividade, promove no halo kordenasaun polítika koperasaun tékniku-militár.
Fó hanoin hikas katak koperasaun tékniku-militár luzu-timoroan sentra liu ba iha formasaun – desde fevereiru 2001, bazeia ba akordu bilaterál bot rua, ida iha 2002 no ida seluk maka iha 2011, ho kuadru programa haat.
Oras ne’e daudaun akordu ne’ebé iha ho komponente lima: Institutu Defeza Nasionál, Sentru Instrusaun Militár, Komponente Navál, Komponente Terestre no Programa Ensinu Militár iha Portugal.
SAPO TL ho Lusa
Sem comentários:
Enviar um comentário