Papa kria loron orasaun hodi kuidadu kriasaun

Francisco simu sujestaun hosi ortodos sira hodi reza ba futuru kriasaun nian, no ne’e hanesan pasu aplikasaun foun hosi ensíklika ekológika “Laudato Si”.

Papa Francisco hahú ohin, tersa-feira, loron 1-setembru kria hanesan Dia Mundial de Oração pelo Cuidado da Criação.

Ortodoxu sira sujere no Papa aseita. Ideia ne’e mosu iha loron lansamentu ensíklika “Laudato Si” bainhira reprezentante Patriarca Bartolomeu de Constantinopla dezafia Igreja Katólika atu hamutuk ho ortodox sira ne’ebé iha tinan kotuk, iha loron 1-setembru reza ba futuru kriasaun nian.

Hanesan pasu ida ba aplikasaun hosi ensíklika rasik, bainhira Papa apela atu halo “konverzaun ekolójika”.

Iha tempu krizi, kristaun hothotu hasoru dezafiu hanesan no sira maka hanesan testamuña ba konsumismu, kultura desperdísiu, rekursu naturais.

Francisco husu atu reza ba família nomós konverzaun ekolójika.

Ba loron ohin, Santa Sé konvida atu halo hikas orasaun ne’ebé Papa hakerek iha ensíklika ikus, ba kristaun no kontinua nafatin.

Francisco fó ezemplu atu prezidi liturjia ida ohin loron hodi defende kriasaun iha Basílica de São Pedro.

SAPO TL ho renscença