LABELE KAHUR KOREMETAN HO JUSTISA

DILI  - Sosidade sivil, família  vítima sira, kontinua kestiona maka’as polítika governu hala’o koremetan  nasional tanba  tuir sira seidauk tempu.

Ministru Administrasaun Interna, Dionísio Babo, Sesta (18/09) realiza meza kabuar hodi fahe informasaun kona-ba intensaun governu hala’o koremetan  nasional hodi konvida Eis Prezidente Republika José Ramos Horta ho Sekretáriu Jerál FRETILIN Mari Alkatiri hodi fó justifikasaun.

Mari Alkatiri esplika, intensaun governu realiza  koremetan  Nasional hodi kasu tiha todan no tranforma ba orgullu  nune’e, ita nia rai bele hetan pas no estabilidade.

Alkatiri hatutan, koremetan nasionál la sinifika estadu haluhan ona nia eroi sira, maibé prosesu justisa vítima  faluk ona kiak sira sei kontinua iha.

“Tan ne’e, ha’u husu ba maluk sira hotu atu labele kahur koremetan  Nasional ho Justisa.mais tau kestun rua ne’e difrente,maske governu hala’o ona Koremetan  Nasional, mais ba autor kriminozu sira tenke kumpri justis ba sira nia hahalok,” subliña Alkatiri.

Iha ámbitu meza kabuar ne’e, Diretór Aosiasaun HAK Manuel Monteiro ho peskiza AJAR Inocencio  de Jesus , kontinua lamenta ho polítika  governu hodi realiza aktividade  Koremetan  Nasional, tanba  oras ne’e ruin saudozu barak seidauk buka hetan,governu seidauk kria kondisaun ba família  vítima  sira,justisa ba vítima  faluk oan kiak seidauk iha,governu realiza  ona koremetan  Nasional.

Tuir nia, nesesidade ba koremetan  Nasional seidauk nesesita, ho kondisaun real oras,  tanba  eventu koremetan  nasional ne’ebé  governu realiza,lori orgullu  ba governante sira,mais ba família  vítima  sira sente soke tebes,tanba  rekoinesementu governu ba nia eroi  no funu nain sira durane tinan 13 laiha.

 “Sosidade sivil antes ne’e kontinua kontra polítika  koremetan  Nasional ne’e,agora iha oportunidade ne’e ami kontinua kontrampolitika ne’e tanba  seidauk tempu,rajaun justisa ba vítima  no família  sira laiha durante tinan 13 ona,ruin funu nain barak seidauk hetan,tratamentu Estadu ba faluk oan kiak no seidauk siifikativu,mais realiza  ona koremetan  Nasional,”Deklara Diretór HAK Manuel Monteiro ho peskizador AJAR Inocencio iha sorumu refere.

Tuir sira, governu ne’e polítika  baratu tebes ho diknifika nia eroi  no funu nain sira, konsente ou la konsente, ho sira nia polítika  baratu hirak ne’e halo eroi  sira hirus,  realidade  maka eroi  sira babeur, dezenvolvimentu ne’ebé governu implementa la la’o, karik la’o laiha kualidade no dezastra Naturais kontinua akontese iha tempu udan hodi, destri dezenvolvimentu Estadu, tanba  polítika  Estadu la konsideera nia eroi  sira.

Lamentasaun hanesan hato hosi, Eis Prizioneru Polítiku  Maria Berreto,informa deklasaun koremetan  nasional ne’ebé goveru deklara bebeik kazu triste ba orgullu  baratu tebes,tanba  sira la sente direita masakre sira akontese direita ba sira.

Polítika  koremetan  Nasional tuir Maria, soke tebes vítima  faluk ona kiak sira nia  fuan.mais governante sira kotinua orgullu  tanba  sira nein sente sofremento,halo polítika  ho intensaun goza vítima  sira nia sofremento,mais laiha problema, herois sira sei la taka matan ba ita hotu.

“Novidade triste ne’ebé soke tebes ami nai fuan,maun sira uluk hamutuk ho ami tuba ba ukun án, hodi rai ne’e nakfilak ba ukun án,ohin loron hamrik ho ema sira uluk la kosta ukun án hodi deklara Koremetan  Nasional, ne’e halo ha’u fuan kanek tebes, iha oportudade ne’e ha’u husik ba imi hotu  rona,” deklara eis Prizioneru Polítiku  ne’e. (max)

Timor Post