MP Konsege Rekopera Osan Estadu Rihun 188 Husi Koruptor

DILI - Ministeriu Publiku (MP) konsege rekopera osan estadu rihun 188 husi koruptor sira nebe iha nasaun Timor Leste, durante fulan Janeiru too agora ho krime sira seluk konsege Rekopera osan rihun 340 Dolar Amerikanu.

Tuir Prokurador Jeral Republika Jose Ximenes hafoin hasoru malu ho Prezidente Republika Taur Matan Ruak, hatete informa ba prezidente kona ba servisu Ministeriu Publiku ninian liu-liu esforsu prokuradoria jeral ba rekoperasaun ativus komesa husi Janeiru too ohin loron.

Iha gabineti kombate korupsaun ministeriu publiku ninian, ita konsege rekopera osan nebe mak tama fila fali durante ida nee alende krime nebe tribunal kondena, nebe mak selu ona iha 188 mil Dolar,” dehan Jose ba Jornalista Tersa (22/09/2015) iha Palasiu Prezidensial Nicolao Lobato.

Nia hatete Ministeriu Publiku mos komesa organiza krime sira enjeral hanesan krime kona ba kontra tranjitu, ema nebe mak laiha karta kondusaun iha Dili deit durante fulan 6 nian laran iha kazu lubuk ida nebe tribunal kondena hodi selu kuaze rihun 6 resin dolar Amerikazu.

Jose hatete kazu balun tenki selu indimiza ba legazu iha osan rihun 120 resin dolar Amerikanu nebe mak Ministeriu Publiku lori ba Trinunal no Tribunal kondena hodi indimiza ba vitima no mos Indimiza ba estadu kuaze 21 mil ital mak arguidu sira indimza ba estadu hanesan jogu illegal.

Iha loron hanesan mos Primeiru Ministru Rui Maria de Araujo hasoru malu ho Prezidente Republika Taur Matan Ruak, hodi informa preparasaun orsamentu nebe governu prepara ba tinan 2016 no mos pozisaun governu nian ba objetivus globais dezemvolvimentu Sustentavel. Informasaun kompletu iha STL Jornal no STL Web, edisaun Kuarta (23/9/2015). Timotio Gusmao

Suara Timor Lorosae