Gasta Osan Ba ZEEMS, Investedor La Mai TL Lakon

DILI - Governu Timor Leste (TL), gasta osan ba prozeitu Zona Ekonomia Espesial Merkadu Sosial (ZEEMS), maibe ema investedor la mai investe, ho nunee TL lakon saugate.

Tuir Direitur ONG Luta Hamutuk Mericio Akara katak agora sira nia preokupasaun se maka investe, estadu maka hasai osan hamutuk ho investedor sira, tamba ZEEMS nee ninia planu inisiu nee investe hamutuk (joint investement), tuir planu iha momentu nee ba seitor privadu no investedor sira kontribui too 70%, husi parte governu kontribui 25-50%, agora investementu sira nee lao, aplika duni planu sira nee ka lae, se estadu mesak investe nee la tuir ona planu inisiu.

Depois estadu gasta osan, maibe ema investedor sira la mai, merkadu loke depois ema la mai entau TL bele la hetan benefisiu nee lakon, ida nee maka sira nia perokupasaun, tamba nee governu tenki tau atensaun makas,” hateten Akara, ba STL iha nia kanar fatin, Farol, Dili, Tersa (22/09/2015).

Sira mos kestiona makas konaba partisipasaun povu iha ZEEMS, povu sira iha neeba hetan kampu de traballu ka lae no komunidade iha neeba hetan formasaun atu partisipa iha negosiu ruma ka lae. Tamba tuir sira nia hare nee partisipasaun povu iha prosesu ZEEMS nee la dun e povu ladun tuir formasaun ruma.

Sira mos hetan informasaun husi komunidade sira katak agora sira hein deit governu ka autoridade atu gusur povu Oecuse balun, tamba povu nia fatin sira atu hari konstrusaun edifisiu no estrada. Informasaun kompletu iha STL Jornal no STL Web, edisaun Kuarta (23/9/2015). Joao Anibal

Suara Timor Lorosae