SEPFOPE SEI IMPLEMENTA PROJEITU EMPREGU RURAL 7

Diretor SEPFOPE munisipio Baucau Romualdo A. De Sousa informa katak tinan 2015 SEPFOPE munisipio Baucau implementa programa emprego rural hamutuk projeito 7, entre projeito 7 ne’e 3 implementa direita husi komunidade no 4 seluk implementa husi kompanha.

“Atu informa deit programa emprego rural husi SEPFOPE ba tinan 2015 Baucau hetan projeito 7, projeito 3 implementa direita ba ita nia komunidade sira iha area rurais iha ne’eba, bolu naran 3 dolares, iha ne’eba orsida ita nia komunidade sira rasik mak servisu depois ninia durasaun tempo fulan ida wainhira remata mak pagamento direita ba ita nia komunidade sira”dehan Romualdo ba jornalista sira Segunda feira (14/9) iha nia knar fatin.

Nia esplika katak projeito 3 ne’e mak rehabilitasaun Estrada husi Riamare ba Bauoli suco Bahu postu administrative Baucau vila, depois kontinua ba Maucale ho distansia 3 kilometro no projeito ne’e final ona total orsamento $.8,580,00,- Estrada ne’e benefisia ba benefisiario sira hamutuk 106 pesoas.

Segundo projeito iha Defawasi implementa iha aldeia Laribere durasaun projeito fulan ida ne’ebe mos remata ona, tipo atividade mak ita nia komunidade sira hatama proposta mai halo lutu atu kuda hudi, ida ne’e programa auto-emprego nian enkaixa ba mos projeito 3 dolares, total orsamento 8.580.00,- benefisiario ne’ebe benefisia ba Estrada ne’e hamutuk ema nain 106, trabailhador ne’ebe servisu iha hamuituk 100 pesoas.

Ba terseiro projeito ida iha Suco Maluro posto administrative Quelicai atividade kuda au, komunidade sira hatama proposta mai ida ne’e nia duransaun iha semana rua nia laran, I durasaun tempo semana rua nia laran deit ho orsamento 4,000.00,- ital.

Enkuanto projeto 4 ne’ebe kompanha mak kaer, mak hanesan iha suco Wailili Uai-Manuboe ba to’o iha Uato-Ua durasaun projeito fulan 4, tipo atidivada mak loke Estrada foun distancia 8.20 kilo, kaer husi companha CCG 17 durasaun fulan 4 orsamento 310.861.09 benefisia ba komunidade aldeia 3.

Segundo projeito loke Estrada foun iha suco Caicua ba area Waikinasa ho distancia 8 kilo, durasaun projeito fulan 4 kaer husi kompanha Osso-Queli Unipesoal Lda projeito lao 40 ital porsento, ninia orsamento 327.317.50.

Terseiro projeito konstrusaun valeta no bareira distancia 3 kilo iha suco Soba postu administrative Laga kaer husi kompanha Tafuli total orsamento 109.318.32, durasan fulan 4.

Ikus liu projeito rehabilitasaun Estrada ho distancia 5.40 kilo iha suco Bucoli husi Darasula mosu iha Bucoli, durasaun tempo fulan 4, kaer husi kompanha K2k consorcio, ninia orsamento 197.567.33.res

Jornal Nacional