Familia Uma Kain 18 Bebonuk Sei La Sai Maske Governu Hasai Obrigatoriu

DILI – Familia hamutuk uma kain 18 neebe mak governu hasai obrigatoriu iha fulan kotuk, deklara katak sei la husik sira nia hela fatin kuandu governu la selu indimijasaun tuir sira nia hakarak.

Tuir Joao da Costa neebe mak hanesan vitima hodi muda obrigatoriu nee ba STL iha nia hela falin Bebonuk, Sesta (02/10) hatete hanesan siadadun ida pronto atu kontribui hodi dezenvolve nasaun nee, maibe kuandu governu no rai nain la selu tuir sira nia hakarak maka sira la husik fatin refere.

Ami hela iha rai nee kelur los ona hau kedan hosi tempo Indonesia no iha fulan kotuk Sr. Ali Alkatiri hanesan rai nain mai kolia ho ami atu sai maibe fog anti rugi uma kiik hetan $1000 no uma bot $2500 ida nee ami la simu ami pronto atu sai kaundu ganti rugi kada uma ida $25.000 no halo ona dialogu dala barak maibe laiha solusuan ikus mai lori forsa mai sobu ami nia uma no dunu deit tanba nee ami la sai kuandu la fo tuir ami nia hakarak,” hatete Joao.

Nia hatutan antes nee iha tinan 2010 defensor Ali Alkatiri dehan sei koalia ho governu liu-liu MSS atu aranja uma ba sira, no sira mos konkorda maibe ikus mai too agora laiha solusaun tanba nee nia hahutan kaundu laiha solusan ou laiha indimijasaun maka sira sei la husik rai neebe sira okupa.

Iha fatin hanean Cordenador Bairo Bebonuk, Mario Soares, hatete nia parte la simu no la aseita hahalok neebe governu halo hasoru nia povu tuir, lolos tenke liu hosi dialogu ida neebe mak diak atu nunee labele halo povu terus tan tanba laiha tan ona fatin seluk ba sira atu hela.

Tuir Observasaun STL iha terenu familia uma kain 18 nee oras nee daduan hela deit iha lona okos kampo futebol Bebonuk nian tanba laiha tan ona fatin ba sira atu hela maske rai manas no ra rahun suar. Informasaun kompletu iha STL Jornal no STL Web, edisaun Sabado, (3/10/2015). Thomas Sanches

Suara Timor Lorosae