Daesh
reivindika autoria ona hosi esplozaun oioin, tuir tiruteiu sira, ne'ebé akontese
iha loron-kinta ne'e iha sentru Jakarta. Atake sira ne'e halo ona pelumenus ema
na'in hitu mate, inklui atakante na'in hitu.
"Kombatente
sira hosi Estadu Islámiku (Daesh) hala'o ona atake armadu sira ohin dadeer hodi
haree ba interese estranjeiru sira, ne'ebé proteje hosi forsa sira seguransa
nian, iha kapitál indonéziu nian", refere hosi komunikadu ida ne'ebé fó
sai iha ajénsia notísia Aamaaq.
Polísia
indonéziu afirma ante katak koñese komunikadu, ne'ebé organizasaun lokál ida ho
ligasaun ba Daesh, hanesan suspeitu prinsipál ba atentadu terorista sira iha
Jakarta.
"Iha
suspeitu forte ida katak grupu indonéziu ida ho ligasaun ba Daesh (...) grupu
ne'e tuir padraun hosi atentadu sira iha Paris", iha fulan-Novembru,
hatete hosi porta-vós hosi polísia Anton Charliyan.
Charliyan
afirma ona katak grupu fó sai antes avizu enigmátiku ida, kona-bá
"konsertu ida iha Indonézia", hodi halo polísia aumenta seguransa
antes selebrasaun Tinan Foun nian.
Iha
fulan-Dezembru, polísia indonézia deskibre konspirasaun terorista oioin, inklui
balun ne'ebé iha ligasaun ba Daesh.
SAPO
TL ho SIC Notícias
Sem comentários:
Enviar um comentário