PN Aprova Votu Konfirmasaun ba OJE 2016 Ho Arogante Politika

DILI - Deputadu sira iha Uma Fukun Parlamentu Nasional (PN), aprova Orsamentu Jeral Estadu (OJE), liu husi votus konfirmasaun ho espresa arogante ba Prezidente Republika Taur Matan Ruak.

Tuir Vice Prezidente CCI-TL Rui Castro katak Prezidente durante nee, lao vizita povu iha suku ida-ida, la iha membru parlamentu no governu ida halo vizita hanesan prezidente halo.

Prezidente nia vizita nee simu mensazen direta husi povu, tamba nee Prezidente hatene saida maka nia halo, neduni OJE 2016 la tuir povu nia nesesidade Prezidente veta politika, maibe Prezidente Parlamentu tenki iha fuan, atu rona saida maka Prezidente hatoo ba Parlamentu.

Maibe sira hatene lei, tamba nee sira nafatin obriga prezidente Promulga, neduni ba hau katak orsamentu neeba la refleta povu hotu nia interese, aprova orsamentu nee reprezenta ema ida ka rua deit nia interese, tuir lolos nee sira presiza rona Prezidente nia hanoin, laos atu muda total, maibe presiza iha diskusaun para rona malu. La bele arogante ho politika, tamba ita nia votus iha parlamentu, ita bele halo, buat hotu-hotu no espresa ita nia arogante nee ba Prezidente Republika la iha respeita nee mal edukasaun,” hateten Castro, ba STL, iha nia kanar fatin, Bidau, Dili, Kinta (14/01/2015).

Nia hatutan deklarasaun de votus ho arogante tebe-tebe neebe hanesan bankada CNRT hatudu, liu husi veta orsamentu nee maibe Prezidente Republika ninia rekomendasaun semples, katak tenki tau orsamentu ba bee, eskola no saude ida nee maka sai povu nia interese, laos Prozetu tasi mane ho ZESSM.

Iha parte seluk Akademiku Manuel Vong hateten Prezidente Republika veta orsamentu nee, hodi garantia kualidade orsamentu ba iha interese nasional. Informasaun kompletu iha STL Jornal no STL Web, edisaun Sesta (15/1/2016). Joao Anibal

Suara Timor Lorosae