2015 DNRN Hatama Osan $856.870 Ba Kofre Estadu

DILI - Iha 2015 Diresaun Nasional Registu Notariadu (DNRN) konsege hatama osan husi produs passaporte hamutuk $856,870,000 ba kofre estadu.

Tuir Direktora DNRN, Maria Fatima katak, iha tinan 2015 diresaun nee konsege produz ona pasaporte hamutuk 18,950, kompostu husi pasaporte comum 17,550, pasaporte serbisu 1211 no pasporte diplomata 187. Husi pasporte oin tolu nee, diresaun ida nee konsege hatama osan ba kofre estadu iha tinan 2015 liu husi selu pasaporte nian hamutuk osan U$ 856, 870,00.

Kona ba passaporta elektronika, agora dadaun kompania rua neebe mak halo ona asina ho governu sei mai halo lai faze preparasaun mak foin bele produs. Neebe agora sei uza lai passaporte komum ka tuan.

Nia hatutan, nunee mos ba bilete de identidade (BI) iha tinan 2015 nia laran, hahu husi fulan Janeiru too mai Dezembru diresaun nee produz ona BI ba ema hamutuk rihun nen nulu resin hitu, atus lima nulu resin lima (67,555).

Antes nee tuir Ministru Justisa, Ivo Valente katak, servisu neebe mak governu liu ona mak prosesu faze konkursu nian. No agora tama ba fase atu halo passaporte foun iha 2016 mai, passaporte elektronika neebe sei tuir estandar internasional nian. Neemak governu offisialmente halo asina kontratu ho kompania internasional Jemalto husi Singapura no Vise Mitra husi Indonesiarua nee hodi produs passaporte elektronika iha 2016. Informasaun kompletu iha STL Jornal no STL Web, edisaun Sesta (15/1/2016). Domingas Gomes

Suara Timor Lorosae